Lian Orluli— Administrador Munisipiu Ainaro(ADM) nia fo kulpa ba Banco Nasional Comercio Timor-Leste (BCTL) ne’ebe maka aplika kriteira ba idozos sira tenki iha Bileti Identidade hafoin simu Subsidio.
Ba lian orluli Administrador Munisipio Ainaro Leovigildo Amaral Pereira nia hatete nudar Autoridade masimo iha Munisipio Ainaro hanoin katak semana ne’e Pagameto ba idosos sira iha mudansa oituan ba pagamentu idozos sira husi Banco Nasional Comercio Timor-Leste (BNCTL) kona ba Bileti Identidade (BI),no sira ne’ebe maka durante simu osan uza deit Cartão Eleitoral,maibe foin lalais ne’e idosos lubuk ida maka la bele hetan direitu ba subsidiu ne’e
“Hau nu’udar Autoridade maximo fo kulpa oituan ba Banco Central Timor-Leste (BCTL), tamba durante ne’e la iha imformasaun klaru ba ita nia idozos sira tamba antes ne’e sira uza deit Cartão Eleitoral hodi simu sira nia direitu ba subsidiu idozos hanesan Autoridade maximo husu ba Banco Central Timor-Leste (BCTL),Liu-liu Banco Munisipiu sucursal Ainaro primeiro tenki fo uluk imformasaun ba ita nia komunidade sira ne’ebe atu asesu ba subsidio idozos Tamba ne’e maka iha mudansa sira la bele hatene” Levigildo Amaral Pereira.
Nia hatutan antes halo pagamentu tenki partilha mos imformasaun atu nune’e sira bele kompleta ona dokumentus.
“maibe, hau hanoin iha postu Ainaro vila hasoru ona problema no postu tolu mos sei bele akontese problema hanesan, dala ida tan hau husu ba Banco Central Timor-Leste (BCTL) Ainaro atu esclarese didiak ba ita nia komunidade sira liu-liu idozos sira atu nune’e sira bele kompleta dokumentus hodi hetan sira nia direito ba subsidiu ne’e”.
Iha parte seluk Administrador munisipio Ainaro Leovigildo Amaral Pereira husu ba Chefe suku,no chefe aldeia,sira tenki servisu hamutuk ho Banco Central Timor-Leste (BCTL) no mos parte registu notariadu atu nune’e benifisiario idozos sira bele asesu ba iha Bileti identidade (BI),tamba atu trata Bileti Identidade (BI),sei lori tempu naruk.
Leovigildo Amaral Pereira salenta ba Administrador posto,chefe suku,chefe Aldeia sira tamba komunidade barak la iha kbi’it atu lao tamba ne’e maka husu ba parte relevante atu lori administrasaun ne’e ba to iha baze tamba sira presiza liu ita nia tulun,tamba ne’e maka ita presiza identifika komunidade sira la iha kbi’it. Lider masimu ne’e husu ba administrador postu ha’at (4) hanesan Maubisse,Hato-bulico,Hatudo Inklui Ainaro Vila no chefe hamutuk rua nulu resin ida (21)atu kordena ho banco central nune’e benifisiario sira bele asesu ba subsidio
