Ainaro Lian Orluli-22-08-2022- Instituto Gestaun Ekipamentu IGE hatetuk rai Igreja hodi hari kampu desportiva ne’ebé ho multi funsaun
Amu paróko Ainaro Armindo Brito ho inisiativa halo ho Autoridade Munisipiu Ainaro no autoridade suku Ainaro inklui juventude Ainaro hato’o proposta ba Ministériu obras Públika liu husi IGE hodi husu hatetuk rai igreja nian atu prepara hari kampu desportiva multi funsaun hanesan kampu futebol basket no futsal
Proposta ne’ebé hato’o hetan aprovasaun husi ministériu obras públika ikus mai koloka ekipamentu pezadu hodi hatetuk rai ne’ebé kuaze hektar ida ne’ebé lokaliza iha Ainaro leten suku Ainaro postu Administrativu Ainaro
Padre armindo brito hateten rai ne’ebé ateru atu hari kampu desportiva multi funsaun hanesan kampu futebool basket no futsal hodi bele utuliza ba desportiva iha ainaro villa
“ Atu hari kampo Multi funsaun ne’e atu hanesan orotorio ida henesan sentru pastoral ida hanesan hodi bele halibur sarani liu-liu joven sira bele halo aktividade iha ne’e, nune’e ita mos bele halo pastoral ho sira, akompaña iha desportu nian bele fo mos tempu iha parte ispiritual nian,nune’Kria Kampo multi Funsaun ne’e atu bele halibur joven sira hodi dejemvolve sira nia talentu iha sira nia atividade sira maibe senti besik ho igreja “ Amu Paróko Ainaro Armindo Brito
Iha sorin seluk Amo Pároko ne’e salientan tan katak obra ateru rai refere paroku liu husi proposta ba IGE apoiu deit Ekipamentus
“liu husi proposta maka IGE apoiu makina eksa rua ho truk rua inklui mina enese ba makina ne’e, husi párokia sedauk hasai osan”. Hatutan Amo Pároku Armindo Brito
Relasiona ho hatetuk rai igreja ninian ne’e jornalista Lian Orluli tenta halo konfirmasaun ho Diretor IGE ne’ebé lidera ekipa iha Ainaro maibé laiha fatin
Enkuantu rai refere IGE hatetuk kuaze semana rua ona utuliza kombustivel gazoel husi governu ninian
Editor : Lain Orluli
