Lian Orluli— Loron 25 Dezembru hanesan loron ba ema hotu-hotu haksolok hodi selebra kosok-oan jesus nia moris mai iha mundu ne’ebé akontese dala ida Iha tinan ida, tanba ne’e ema hotu ho haksolok prepara hodi simu liu husi preparasaun prejepiu natal hanesan fatin ba jesus nia moris no fatin ne’e hotu hotu hanaran belem
Maibe iha Ainaro natal tinan ne’e joven sira ladun senti natal to’o dauan ona, tanba la iha preparasaun ruma hanesan árvore natal no lampu sira infeita iha jardim
Jeronimo Rodrigues Ximenes senti triste tanba munisipiu Ainaro parte Relevante sira la tau prioridade ba loron ne’e hodi halo prejepiu iha dalan protokolu nasional hodi reprejenta munisipiu
“Hanesan joven ida iha Ainaro, hau senti la dun kontente tanba tempu ida agora ne’e ita hotu selebra natal ne’e hakarak natal ida ho ksolok felíz, agora Ainaro ita la’o ba mai hanesan hela ne’e, simbolu saida mak reprezenta katak natal mak mai ona ne’e, hanesan joven ida sentri tanba ita la’o ba mai pohon natal ida mos laiha, fatin ida ne’e reprezenta kapital munisipiu, dalan ne’e, dalan protokolu tan, simbolu ida ema liu ba liu mai par ema hare’e katak natal ne’e mak ida ne’e, la hatene munkin (dalaruma) autoridade sira mak la iha osan atu kontribui ba Ainaro mak ne’e ka?, dalaruma sira sibuk liu ho servisu seluk ne’ebe ita la hatene!”, dehan joven ne’e.
Nune’e joven ne’e dehan tan, nia parte la senti duni ksolok natal tinan ne’e iha Ainaro tanba la hare’e furak ida akontese iha dalan protokolu sira
“Liu-liu ba autoridade, la presiza gasta orsamentu bo’ot liu ba, maibe pelumenus natal nene ita hotu hakarak senti natal ho diak natal ho kontente, ami joven ne’e hakarak kontente ho buat sira hanesan ne’e, agora ita liu ba mai hateke mak ema de’it, ita la hatene natal ona ka lae?, ita lahatene buat ida iha natal ne’e, ne’ebe, autoridade tenki tau hanoin di’ak ruma ba, karik tinan oin mai labele akontese tan hanesan ne’e, orsida kalan ita sai misa mai ita atu hare’e saida maka diak husi natal ne?, hau pesoal natal la senti buat ida, munisipiu de’it mak agora ita liu ba liu mai pohon natal ida mos laiha, lampu ida atu lakan tuir jardin sira ne’e mos laiha ne’e ita atu senti natal nia ksolok ne’e mai husi ne’ebe?, nebe hau hanoin natal iha Ainaro tinan ida ne’e senti triste los hare’e kondisaun ida hanesan ne’e”, Nia esplika ba Lian Orluli.
Hare’e ba failansu hirak ne’e joven ne’e, rekomenta atu autoridade sira hadia failansu hirak ne’e iha futuru labele akontese tan nune’e iha Ainaro
“rekomendasaun tinan oin autoridade tenki toma atensaun, ita la halo buat diak ruma ba iha Ainaro ne’e mos pelumenus, ita koalia natal lori kaolok ne’e, ksolok ida ne’ebe?, ne’ebe rekomendasaun tinan oin Ainaro labele akontese hanesan ne’e, dalan protokolu agora ita liu ba liu mai lampu ida mos la lakan iha estrada ninin ne’e agora ita senti natal nene husi ida ne’ebe?” Jeronimo rodrigues ximenes hakotu ba Jornalista Lian Orluli.
Hatan ba kestaun hirak ne’e prezidente autoridade munisipiu Ainaro Manuela Georgina do Garmo Corte-Real liu husi entrevista jornalista Lian Orluli liu nia konfesa katak fatin ne’ebe atu prepara halo prejepiu ne’e mak jardin, maibe jardim refere dau-daun ne’e iha hela prosesu rekkonstrusaun, tanba ne’e la prepara prejepiu hodi reprezenta Munisipiu Ainaro ba selebrasaun loron natal kosok-oan moris mai iha mundu
“Ita la konsege halo prejepiu, ita hatene katak anteriormente fatin prejepiu ne’e iha jardi, jardin ida ne’ebe mak sentru los maibe jardin ne’e agora iha hela prosesu konstrusaun no prosesu rehabilitasaun entaun tinan ida ne’e ita la konsege prepara prejepiu munisipal nian, maibe ita enkoraja komunidade sira ida ida atu ida ida iha baru-bairu idida nia uma ida nebw hakarak iha vontade halo prejepiu halo favor, prejepiu ne’e hanesan fatin ida ne’ebe mak reprezenta meninu jesus moris ba, entaun fatin ne’eba ne’e fatin alegria fatin esperansa, fatin prosperiedade, fatin ne’ebe mak páz nian, dame nian, entaun ita iha mos sirkular ida komandate Polisia rasik ho autoridade munisipiu asina depois públika ba komunidade sira hotu katak ita bele halo prejepiu maibe ita labele uza fali prejepiu ne’e sai fali fatin ne’ebe mak hemu tua, kuandu hemu lanu ona bele mos provoka ambiente ne’ebe mak ita hotu lakoi, tanba ne’e nafatin hatete ba komunidade sira katak ida-ida halo ninia prejepiu avontade” Prezidente Autoridade Munisipiu ne’e Hatan ba konfirmasaun.
Maske nune’e maibe prezidente Autoridade ne’e enome funsionariu tomak no familia hato’o boas festas santu natal ba Povu Ainaro deseza preparadu hasolok simu kosok-oan Jesus iha natal ne’e
“Hau hanesan prezidente autoridade Munisipiu Ainaro no mos hodi hau nia familia no funsionariu tomak iha munisipiu Ainaro hakarak hato’o ami nia boas festa natal ba sarani iha postu ha’at suku 21 aldeia 131 espera katak ho natal ida ne’e, bem preparadu hanesan sarani hodi simu nai jesus iha loron natal ida ne’e“, nia hakotu.
Loron 25 dezembru loron ksolok ba ema hotu hodi selebra kosok-oan nai jesus mai iha Mundu ne’ebe ankontese dala ida tinan ida
Enkuantu loron natál hanesan mos loron dame, fó laran ba malu, laran-luak no pasa tempu hamutuk ho família.
Jornalista: Clementina Fátima
Edotor: Lian Orluli
