Lian Orluli–27,setembru– Suku Mauchiga partensia postu administrativu Hato-buliko, Munisípiu Ainaro, Komunidade sira husu ba governu lokál Liu husi Ministeriu Saude atu aumenta sala ba Materneidade no Aumneta númeru pesoal no fasilidade maternidade iha sira-nia sentru saúde. Ezijénsia ne’e mosu tanba dala barak inan isin-rua sira hasoru difikuldade bainhira atu partu
Tuir abitante sira, inan isin rua sira ne’ebé hetan komplikasaun oras ne’e dadaun halo transfere ba Ospitál Sentrál Aituto ka Maubisse. Viajen naruk ba ospitál referénsia sira-ne’e dala barak hamosu moras liután no hamosu risku sira ba seguransa inan no bebé nian.
“Inan barak ne’ebé iha difikuldade atu partu tenke lori dook ba ospitál boot sira. Karik aldeia ne’e iha fasilidade adekuadu sira, sira bele hetan tulun lalais liu, Aleinde ne’e laiha sala maternidade ne’eb’e diak, tuir sira hare, katak sala maternidade, hamotuk deit ho ho sala ba pesoal saúde “, hatete Palmira da Costa nu’udar komunidadi ida hosi Mauchiga.
Nia hatutan, esperiénsia ida ne’ebé nia hasoru, bainhira atu partu no senti moras makas, família lori ba sentru saúde Mauchiga laiha asitente médiku no tenki lori ba to iha Sentru saúde Maubisse
” Iha momentu ne’ebá ha’u Senti ona atu partu, família lori ba to sentru saúde Mau-chiga, iha ne’ebá laiha asistensia médiku, entaun ha’u tenki ba to iha sentru saúde Aituto, iha ne’eba labele atende nafatin, família lori ha’u ba to iha Referal Maubisse, no la konsege ho iha Hospital labarik moris tia iha Karreta laran”, Haktuir ona isin rua Palmira da Costa
Fatin hanesan komunidade Lucas de Araújo, hatutan presiza tebes aumenta fasilidade ba inan isin rua no asistensia médiku,inklui aimoruk.
“Iha sentru ne’e besik ona komunidade sira maibé sei menus pesoal Saúde no ekipamentu sira, inklui ho Aimoruk, nune’e mós Presiza aumenta pesoal saúde no ekipamentu partu ba inan isin rua,” dehan Lucas
Aniceto Marces de Orleans Nudar Administrador Postu Hato-buliko rekonhese iha suku Mauchiga presiza aumenta pesola saúde no ekipamentu maternidade iha sentru saúde suku Mauchiga, rajaun komunidade dook husi ospital referral
“Loos, iha suku mauchiga presiza duni aumenta pesoal saúde no ekipamentu maternidade, tanba komunidade sira dook husi hospital referral, no Sentru Saude Hauteo” dehan administrador Postu Hato-buliko
Espera governu sei harii kedas fatin partu simples iha Suku Mauchiga, nune’e mós hasa’e númeru traballadór saúde sira, liu-liu enfermeiru sira ne’ebé formadu atu ajuda partu. Etapa ida-ne’e fiar katak sei hamenus risku ba isin-rua ne’ebé durante ne’e, sentidu seguransa nian ba inan sira iha suku Mauchiga, ne’ebé luta atu asesu ba kuidadu saúde ne’ebé adekuadu.
Jornalista: Odelia/Lucya
Editor : Lian Orluli
