Lian Orluli — Immanuel de Araújo Mendonça Apresenta konseitu programa turismu ba Prezidente Autoridade Munisipio Ainaro (PAM) ho objetivu kontribui ideia ba dezenvolvimentu Ainaro liu husi promove turismu Kultural.
Immanuel de Araújo Mendonça (Amno) hasai estudu iha Japan ba programa Master of Internationál Corporation Polocy ho área espesializada tourismo and Hospitality. Iha universidade APU (Asia Pacific University)
“Iha motivasaun ida husi hau hetan esperensia durante tinan rua iha Japan konaba turismo kultural. Neduni, hau kria konseitu ida konaba Turismu kultural liu husi halo festival Sergala, Tamba sergala nu’udar identidade ema Ainaro nian ne’ebé maka iha potensia boot hodi sai produtu turistiku ida hodi atrai turista husi rai liur mai to iha Ainaro” Immanuel hatete iha salaun VIP Ainaro
Nune’e Nia esplika tan“Aleinde ne’e, liu husi festival ida ne’e sei promove mos potensia turistikus sira seluk iha munisipio Ainaro nian, Festival ida ne’e nu’udar marketing estrategy ida hodi hasae merkadu Turismu ida iha Timor- Leste hodi kontribui ba socio-economia. Katak, sei iha benefisiu barak husi eventu turismu ida ne’e ba local business sira liu-liu turimu industria sira”.Nia hakotu
Enkuantu aprezentasaun ne’e halo iha sigunda 4/03/2024 Iha salaun VIP Administrasaun Munisípio Ainaro partisipa masimu husi directóres munisípais no akompanha husi presidente Autoridade Munisipio Ainaro, hafoin reuniaun semana daruak fulan marcu nian.
STJ: Hanya
Editor: Lian Orluli