Lian Orluli — Inácio da Crúz eleitu ba prezidente asosiasaun Futebool Ramelau Ainaro (AF-RAMA) ba priode 2024 to’o 2028
Iha sabadu fim de semana ne’e asosiasaun Futebool Ramelau Ainaro (AF-RAMA) realiza konfrensia ba ordinari da tolu, iha eskola ensinu báziku sentrál Venáncio Ferras Ainaro, ne’ebé envolve konkresista husi klubu futebool hamutuk 24 iha Ainaro
Konfrensia ne’e, avansa ho pakote uniku tamba ne’e konkresista sira fó votu unanidade ba Inacio da Crúz hodi lidera asosiasaun Futebool Ramelau Ainaro (AF-RAMA) ba priode 2024 to’o 2028, hodi troka sesante prezidente AF-RAMA Geovanio dé Araújo Bucar ne’ebé lidera durante tinan haat, hahú iha loron sanulu fulan dezembru tinan 2019 to’o loron ida fulan juñu 2024, hodi termina sira nia servisu hodi entrega ba estrura foun
Hafoin votasaun estrutura AF-RAMA simu kedas tomada depose ne’ebé fó husi federasaun futebool Timor-Leste
Prezidente AF-RAMA foun Inacio da Crúz hateten, sei servisu hamutuk ho nia estrutura ho entidade hotu hodi dezenvolve Futebool iha Miunisípiu Ainaro, durante tinan haat
“Hau nafatin kopera ho estrutura sesante, nune’e mos kopera ho klubu Futebool sira hodi dejemvolve Futebool munisipiu Ainaro”, prezidente AF-RAMA foun Inacio da Crúz
Sekretáriu jerál FFTL Gregório Correia hateten, intensaun hala’o konfrensia hodi hili estrtura asosisaun futebol iha munisípiu inklui Ainaro tamba bazeia ba pedidu husi FIFA no AFC, hanesan parte ida atu labele hetan suspensaun husi FIFA ba Jogador nasionál sira ne’ebé hala’o iha rai liur
“Observa saunhusi FIFA ho AFC nian hakark asosiasaun Munisípal hakarak la kohi tenki halo kongresu, selae ita hetan suspensaun, kuandu ita hetan ona suspensaun se maka rugi, ita nia jogador sira ne’ebé maka agora dadaun joga ona ba iha rai liur, signifika sira labele joga ona iha rai liur, ho nune’e ita hamotuk para nune’e labele hetan sansaun husi FIFA AFC”, Sekretáriu jerál FFTL Gregório Correia
Segundu vise prezidente AF-RAMA sesante Cristovino Valente Lohi dé Araujo hateten, durante estrutura mandatu konsege realiza Cup sub 19 no sub 23 hodi anima komunidade
alende ne’e koopera ho parte governu hodi realiza jogu futebool komunitária sira
estrutura sesante mós sei kontinua koopera ho prezidente eleitu AF-RAMA hodi kontinua dezenvolve futebool iha Ainaro
“ Estrutura Asosiasaun ne’e hahu nia manadatu iha 2019, posse iha loron 10 Desembru, iha momentu ne’eba ita hahu servisu, tuir estatuta katak kada tinan 4 tenki restrutura liu husi komferensial ida no estrutura ne’e kompostu husi Postu Administrativu 4 maka hanesan Postu Hato-udo,Maubisse, Ainaro no Hato-bulico. Atu hateten tan katak iha ami nia mandatu konsege iha jogador husi Ainaro dadaun ne’e joga ona iha rai liur, ida ne’e orguillo tebes bai ami asosiaun AF-RAMA”, segundu vise prezidente AF-RAMA sesante Cristovino Valente Lohi dé Araújo
Enkuantu estrutura foun kompsotu husi prezidente AF-RAMA Inacio da Crúz,vise Prezidente, membru ezekutiva na’in tolu
Jornalista : Lian Orluli
Editor : Lian Orluli
