Lian Orluli—Inan Faluk Cristina Hela iha Aldeia Hat-Metaudu, Suku Manutasi Postu Administrativu Ainaro, Nia Uma ne’ebe hetan husi programa Uma Naroman Ba Povu (UNP), rahun total inpaktu husi udan boot durante horas 24 nia laran.
Faluk Cristina iha oan Mane ida, ne’ebe ho kondisaun difesiensia ain, hetan Uma Naroman Ba Povu (UNP), Inagura husi Ministru STATAL iha Fulan Abril Tinan 2022.
Inan faluk ne’e ho nia oan hela iha uma ne’e foin halo tinan ida, iha loron 2 fulan julho tinan ne’e, ho natureja nia siak harahun inan faluk nia uma, rahun total no sasan ne’ebe nia hetan tulun husi Uma Naroman ba Povu (UNP) estragus hotu.
” Reprejenta povu Nia lian husi suku Manutasi Postu Administrativu Ainaro, husu ba Nunu Governu Ida ne’e tau matan lai ba Inan faluk Cristina nia uma ne’e rahun total, no nia sasan mos la aproveita, inan faluk ne’e iha oan mane Ida maibe nia kondisaun difesiensia ain,” hateten Xefe do suku Manutaci Manuela da Cilva Caldas,ba Lian Orluli. sigunda (2/07/23)
Reprejentante povu suku Manutaci hatautan ” Iha Uma rua maka oras ne’e iha hela ameasa, no komunidade afetadu evuka ona ba familia nia uma, husi uma rua ne’e ida uma naroman ba povu (UNP) no Ida Komunidade nian,” nia hatutan.
Observasaun durante udan rejulata uma UNP Ida rahun total, Ida iha ameasa nia laran no uma Ida komunidade nian.
Alende uma, iha mos estrada liga ba Aldeia Hat-metaudo kotu Fatin lima atens to’oba Komunidade afetadu sira.
Enkuantu husi ekipa APC no PNTL inklui Autoridade lokal no Munisipio kuntinua halo observasaun durante tempu udan nia laran.
Editor : Lian Orluli
