Lian orluli— Inan Faluk Joana Maia ho oan kiak nain 7 hela iha Lese, suku Leolima Postu Administrativo Hato-udo, hato’o sira nia agrdese ba Prezidente RDTL, tanba bele rona sira nia lian.
“Hau agrdse tebes nai Prezidente RDTL José Ramos Horta, bele rona ami nia lian hodi haruka ekipa servisu husi Palacio Prezidenti nia mai to iha ami nia fatin, hodi tulun ami ho kulisaun no sasan nesesidade bázika sira,” faluk Joana Maia hato ba jornalista Lian Orluli, iha rejidensia (23/06/23)
Nune’e nia hatutan maske husi ekipa servisu to iha fatin nia laiha, tanba sei vijita hela familia moras iha Atsabe, tanba ne’e husi nia parte husu deskulpa.
“ Deskulpa ba ekipa servisu husi Palcio Prezidente nian, maiske to ona iha ami nia fatin, hau rasik laiha fatin hodi atende sira ho diak,” faluk Joana husu deskulpa
Adminstradór postu Administrativo Hato-udo, Rosalino Soares Mendes hatete, ekipa Servisu husi Palacio Prezidente hetan inaformasaun husi Media kona ba inan Faluk ho oan kiak nain 7 hasoru problema, ekipa mai to iha fatin hodi fo tulun nesesidade báika hanesan aihan fos no esprimbed 2 ba oan kiak nain 7.
“ Agradese tebes ba servisu Palacio Prezidete nian bele rona oan kian nain 7 no faluk sira nia susuar ho terus hodi hakat mai to iha fatin nune’e sira mos bele hetan tulun direta,”Administrdor Postu Rosalino, ba lian Orluli liu husi Via telefone
Administrador postu ne’e mos akresente ba aturidade nivel altu, atu bele ajuda no fo apoiu emerjensia, tanba povu merese atu servi no tau matan, bainhira sira hasoru susar.
“Hanesan autoridade iha baze presija tebes,autoridade sira iha nivel altu, hare ba ita nia komunidade sira ne’ebé maka presiza ita nia tulun balu, pesiza ita mos bele apoiu emerjensia balun nune’e bele hadia sira nia moris ne’ebé hetan hela susar hanesan faluk ho oan kiak nain 7 oras ne’e dadaun hetan ona tulun husi palacio prezidente nian no sosiadade sivíl sira hanesan Ran Kadalak, tanba sira ne’e ita nia komunidade no povu, merese duni atu ita servi no atende sira, bainhira hetan susar,” nia rekomenda
Enkuantu faluk Joana Maia Ho oan kiak nain 7 hela iha aldeia Lese suku Leolima, Postu Administrativo Hato-udo, Munisipio Ainaro, lakon sira nia aman Luis da Silva Ciquera, iha loron 14 fulan Julho 2022, dutrante ne’e hela ho familia, hafoin hetan problema, familia hasai husi uma iha loron 21 Maio tinan 2023.
Iha momentu familia hasai faluk Joana ho nia oan kiak nain 7, sira tanis tutur liman husu tulun ba vijinho, halo uma hodi hela, uma ne’ebé maka agora dadaun sira hamahan a’an ba hetan tulun husi Xefe Aldeia Lese, José da Silva maka organija Joven sira harí uma ida mais ou menus 4X2 taka ho kalen 20, no uma ne’e laiha kuatru ho dapur, inklui roman elerisidade, toba fatin mos ba sira laiha, lona ka trapal maka sai hanesan kama ba sira hodi toba e nahe deit iha rai, nune’e mos tur hamotuk hodi han kalan.
Husi oan kiak nain 7 ne’e nain 2 tur ona iha baku eskola sekundária, nain 2 iha pre secundária, nain 2 iha Primária.
veronica da silva maka oan primeiru husi sira nain 7, veronica remata ona nia estudu iha Secundária iha tinan 2018, la kontinu eskola ka kursu tanba hadomi liu nia mama ho alin sira, durante ne’e veronica maka ajuda nia mama soru tais no halo tos kuda batar, baihra aihan sira isin ona, ajuda nia mama ba fan iha merkadu hudi bele responde sira nia nesesidade uma laran inklui atende alin sira nia eskola.
Editor : Lian Orluli
