Lian Orluli–19/07/2022 -Sarjento Xefe Polísia Investigasaun Kriminál Munisipiu Ainaro, Armindo Do Rosario de Araújo informa, inan feto ida ho inisiál RDC idade 15, soe bebe iha Sexta fulan Jullu 2022 iha Aldeia Maulefo, Suku Aituto, Posto-administrativu Maubisse, Munisipiu Ainaro.
Sarjentu polísia ne’e informa parte polísia foin hetan informasaun iha loron 15 fulan Jullu 2022 no halo kedas atuasaun.
“Iha akonteseimentu ida kazu infantesidu iha Suku Aituto, Aldeia Maulefo Posto-administrativu Maubisse iha dia 01 de Julho 2022 maijumenus tuku 3 lokraik, feto ida ho inisial RDC, nia partus bebé ida depois soe tiha depois de ida ne’e hotu bolu nia mai halo identifikasaun komu haree ba nia kondisaun saúde iha moras hafoin grávida entaun ami lori ba hospitál Ainaro nia idade minoria foin tinan 15,’’dehan Xefe investigasaun ne’e.
Polísia Investigasaun Kriminal ne’e sublinha katak Suspeitu agora dadauk hela iha uma hakmatek Salele, “Durante loron 4 iha hospital hafoin PNTL Ainaro kontaktu ho MSSI ho sira AlFela no agora dadauk ami evakua ona uma mahon Salele, kona-ba nia prosesu agora dadauk iha hela prosesu investigasaun nia laran hein hodi kontinua rejista ba Ministeriu Públliku.
‘’Kronolójia antes Polísia halo atuasaun, labarik feto ne’e moras no husu nia inan-aman lori ba Klínika hafoin identifika nia foin partus no labarik feto ne’e hateten dehan sim, hafoin klinika informa ba Polisia katak labarik feto ida deskonfia hetan isin rua maibe lahatene nia Bebe tau iha ne’ebé kona-ba motivu, tanba sá mak feto ne’e isin rua to’o hahoris nia bebe no soe, Polisia seidauk bele fo detallu, tanba prosesu investigasaun sei lao hela, ami konsidera nia hanesan suspeita nia mos ami deskonfia hanesan vítima ba abuzu ou motivu seluk mak halo nia isin rua, tamba ne’e nia prosesu no ne’e presiza halo investigasaun,’’ nia argumenta.
Ba media Lian Orluli, Ianan no aman Lena da Conceição ho nia kaben Carlos da Concecão husi suspeita hafoin presta deklarasaun iha polísia hateten katak nia parte triste no nia rasik la hatene kona-ba nia oan nia hahalok ne’e.Tanba nia problema sira ne’e ami lahatene, ita la koordena malu, mai inan aman maka kuandu inan aman husu nia tauk ou trauma, nia sei labele fo hatene bai nan-aman, do que fo hatene ba ita boot sira mak tauk mas ba ami inan-aman labele? so tristeza de’it mak ida ne’e tamba nia fo hatene ami”. Hato Inan Husi Suspeitu ne’e
Entertantu labarik bebé ne’e labele identifika ona nia sexu biolójiku, tanba ne’e nia inan-aman rasik la hatene ona nia paradeiru.
Editor: Lian Orluli
