Lian Orluli— Xefi Departamentu Floresta Alarico Conceicao da Costa hatete, Servisu Florestal Prende material hirak ne’e tanba la hetan autorizasaun ka laiha lisensa husi parte floresta nian
“Ami atu klarifika katak Sensor sira ne’e ami prende tanba la hetan autorijasaun ka la iha lisensa husi parte floresta nian, grupu korpu guarda floresta sira halo patroliamentu hetan sira hala’o hela atividades tesi ai maibe laiha lisensa ho ida ne’e mak ami prenda”. Dehan Xefe Departementu Floresta Alarico Conceicao da Costa, iha nia knar fatin kuarta (26/06/24)
Xefe departementu Alarico Conceicao da Costa hatutan bainhira halo patroillu hetan komunidade sira uja kilat manu nia hodi ba kasa alimal fuik sira ne’ebé durante ne’e proteze hela
“Ba kilat manu bainhira ami halo patrollia sira lori kilat manu hodi ba kasa animal fuik sira ne’ebe mak durante ne’e ita proteje, alende sira ba kasa animal fuik bele mos sai ameasa ba ita nia vida”.
Nune’e mos nia hatutan prende Ai-kameli iha postu Hato-udo tuir informasaun katak atividades ilegal ne’e lao hela no la konsege prende, bainhira autor halo hela negosiu hafoin sira kaer hodi prende
“Ai kameli ami prende bainhira halo koperasaun ba iha area Hato-Udu nian durante ne’e atividade ilegal ne’e lao hela ami la konsege prende barak, momentu ne’e ami lao prende duni ai kameli karon rua, prende ne’e momentu sira hala’o hela negosiu, prende lori kedas ba iha edifisiu polisia nian, iha ne’eba rejistu depois hein hela nain maibe to agora la mai aprejenta, ida ne’ ita halo ona karta ba iha diresaun jeral para oinsa atu prosesa ba oin”.
Xefe departementu Guarda Floresta ne’e hatuan tan material sira ne’ebé maka prende ilegal sei la fo fila bainhira sei lao tuir prosesu lei haruka
“Kilat manu, Ai-kameli, sensor ne’e prende depois nia prosesu ne’e ba oin, hanesan kilat manu ita prosesu maibe sei la fo fila, Sensor ita prende ona atu prosesu nia nain tenke mai multa / selu fali tuir ne’ebe mak konkordansia baibain iha mil 500 bele mai foti fila fali ai kameli ne’e ilegal mos hanesan ita la bele fo fila fali, hanesan sensor ita destroi kilat manu mos ita destroi , ai kameli ita hatama ba estadu, nia nain kuandu mai fo klarifika ida ne’e maibe prosesu ba oin ilegal ona durante ne’e ita seidauk lisensa ida para atu fo ba ita nia komunidade sira ne’ebe mak kuda ai kameli bo’ot ona bele tesi bele faan ba estadu”.Nia hakotu
Jornalista : Lucia/ Carme
Editor : Lian Orluli
