Lian Orluli— Autoridade Másimu Ainaro Leovegildo Amaral Pereira hamotuk ho Xefe departementu servisu Munisipal MTCI Ainaro Francisco Xavier, Diretúr Gestaun Merkado, inklui xefe do suku Ainaro Vila abertura jogu Futu manu ho bola-guling iha resintu Ainaro vila.
Iha abertura ba lansa jogu refere Autoridade másimu Leovegildo Amaral Pereira hateten, bazeia ba karta pedidu joven sira nian Autoridade masimu ne’e relata ba iha Ministerio Administrasaun Estatal (MAE) no Ministeriu Comersio no Industrua (MTCI), hetan orientasaun husi Ministerio MAE fo aturijasaun loke jogu refere tanba Autoridade Masimu maka iha kompetensia.
No nia sublinha tan programa loke jogu rua ne’e inisiativu Joven sira nian, hanesan Autoridade fo apoiu, tanba laiha kampo de trabalho ba joven sira no konsidera mos kontribui ba Estadu liu husi selu taxa
“ Jogu ida ne’e atu halibur joven sira ne’ebé dejempregu, tuir hau nia hanoin ema hotu hakarak partisipa iha divertimentu saida deit, ita kompara ho nasaun sira seluk iha deskoteka no iha jogu kasino nomos buat sira seluk tan,husi atividade sira ne’e maka hatama reseitas makas ba iha sira nia Estadu, maibé iha Ita nia Nasaun buat hotu sentraliza iha Nasional inklui mos selu taxa jogu nian, tanba ne’e bajeia ba inisiativu joven sira nian hau suporta maibe’e tenki tuir regra Estadu nian, tenki iha fatin ne’ebé maka kondisaun diak no sufisiente duni, inkluimos tenki kumpri regra siguransa nian atu nune’e labele iha desturbu,” Autoridade masimu ne’e hateten iha fatin abertura jogu, sabado (8/04/23)
Iha fatin hanesan Reperejentante MTCI Munisipiu Ainaro Xefe Departementu Servisu Munísipal Francisco Xavier subliña, kompania ne’ebé inisiativu loke jogu tenki iha legalidade no priense rekijus husi Ministériu MTCI
“Husi Ministériu apresia tebes inisiativu Joven sira nia kreativu ne’ebé iha interese kontrubui ba dezemvolvimetu iha rai laran nune’e mos kria kampo de rabalho ba aan rasik no ba ema seluk hodi rekopera ekonomia uma laran. maibe’e atu sama atensaun deit bainhira kria jogu hanesan ne’e tenki iha karta lisensa ka autorijasaun nune’e labele prejudika atividade ne’ebé imi hala’o ona, tanba husi ekipa sei halo monitorijasaun, bainhira laiha karta autorijasaun maka atividade ne’e ami sei hapara obrigatóriu liu husi parte siguransa nian, bazeia ba lei nomeru 6/2016, dia vinte de Abríl, haruka ami iha kopetensia tomak hodi hapara atividade jogu bainhira la priense rekejitus,” Xefe departementu Servisu Múnisipal MTCI Francisco hatete
Iha sorin seluk Diretór Jestaun merkadu Clementino de Araujo Sublinha tan bazeia ba pedidu Grupo Joven nian hetan despaisu husi Autóridade másimu autorija loke jogu, tanba tuir observasaun joven barak maka iha dejempergu nia laran, nune’e liu husi Jogu refre bele apoiu ekonomia uma laran, tanba laiha projeitu ki’ik ruma husi governu atu loke kampo de trablho ba joven sira.
“Ita bazeia ba despaisu Autoridade masimu nian tanba tuir observasaun joven barak maka iha hela dezempregu nia laran, tanba ne’e autoridade másimu ne’e ne’e lakohi hare nia joven sira iha frustasia nia laran tandeit laiha servisu iha rai laran no governu mos la iha projeitu ruma atu estabelese iha munisipiu hotu-hotu nune’e bele loke kampo de tarablho ba joven sira. tanba ne’e hau husu ba ita hotu atu bele fo apoiu ba joven sira nia inisiativu ne’e, ida ne’e konsidera joven sira fo hela servisu mai ita sira ne’ebé iha makina Estadu nian atu halo servisu ba sira,” Diretúr Jestaun Merkado hakotu.
Enkuantu Jogu ne’e hetan apoiu husi Diretur compania Lauretinu de Arújo (Eli halibur) faselita fatin no ekipamentus kalen 200 ai kabelak kubik ida, ai rin kubik ida, ai 57 kubik ida, ai 5-10 kubik ida, no orsamnetu operasional $500. atividade ne’e hetan apoiu masimu husi siguransa PNTL Ainaro
Editór: Lian Orluli
