Lian Orluli—Mariano Magno kanek grave iha parte ren tos ibun no isin lolon tamba deskonfia hetan asaltu husi grupu joven balun iha area Mau-ulu satu, suku Mau-ulu, Postu Aadministrativu Ainaro, Munisípiu Ainaro, segunda feira horseik mais ou menus tuku lima loraik. Kazu ne’e akontese hafoin vitíma fila husi Ainaro villa atu ba Aldeia Builico Jakarta Dua Ainaro
Relasiona ho aktu husi Joven suku Mao-ulu, Lorenso soares hanesan família vitíma lamenta ho aktu krime ne’ebe husi grupu joven sira halo agresaun fizíku ba iha vitíma
“Akontese Problema ne’e iha suku Mao-ulu iha fatin Prezepiu nian oin, iha oras mais ou menus 05:00 OTL oras loro-kraik, alin ne’e husi Ainaro Vila atu ba uma iha aldeia Buliko Jakarta 2,ho motor maibe’e sedauk to, alin ne’e hetan asaltu ho joven sira iha suku Mao-ulu nian,hau nia alin ne’e sofre grave tebes han deit sasro mos la-diak,” Lorenso Soares, Família Vitíma, tersa 2/1/2024
Tamba ne’e lorenso soares husu ba PNTL atu kaptura suspeitu sira hodi submete ba prosesu investigasaun
“Aktu ne’ebe Joven sira Mau-ulu satu komete laos deit ba nia alin, maibe bebeik sempre halo asaltu ba estudante sira husi bebeik husi deia Builico Jakarta-dua ne’ebe hala’o estudu iha eskola iha Ainaro villa senti la seguru,” Lorenso Soares husu ba PNTL intervensaun hodi hakalma situasaun
Relasiona ho aktu krime ne’ebé Joven Suku Mao-ulu halo ba Vitíma Mariano Magno, Lian Orluli tenta intervista ho Xefe suku Mao-ulo Luis Valadares Colaço hatete, Joven sira halo agresaun Fizíku hasoru ema iha dalan konsidera krime no prosesu tuir lei
“Tempu festa natál no troka tinan tuan ba tina foun ema hotu-hotu hakarak Pasa feiras hakmatek no felíz iha família idak-idak nian, se waihira joven sira halao aktu krime sira hanesan ne’e iha dalan Públiku parte siguransa PNTL tenki prosesa tuir lei,” Responsavel Komunitáriu ne’e hatete, via telefone
Nune’e nia hatutan durante iha nia mandatu nugka rona joven sira halo asaltu ba joven maluk iha dalan Públiku
“ Durante ne’e hau nungka rona problema sira hanesan ne’e, foin maka akontese problema Joven asaltu joven maluk sira iha dalan públiku hanesan ne’e, tanba ne’e husu ba parte seguransa atu investiga diak ba joven sira ne’ebe komete krime asaltu ne’e” Xefe suku ne’e hatutan
Lideransa komunitáriu ne’e apela ba komunidade sira baihira akontese joven sira halo asaltu ba joven maluk, presija hato’o informasaun lais parte relevante sira
Enkuantu Vitíma lori ona ba Sentru Saúde Ainaro hodi hala’o hela tratamentu ba nia kanek, suku pontu rua iha reen toos no vitíma konsumu deit sosoro, maibe fo haan deit.
Tuir observasaun Jornalista Lian Orluli iha terrenu nota katak, Polisia Servisu Investigasaun Munisípiu Ainaro hala’o ona kapturasaun ba joven nain rua ne’ebe deskonfia envolve iha aktu krime hasoru vitíma iha area Mau-ulu Satu.
Jornalista :Lian Orluli
Editór : Lian Orluli
