Lian Orluli—Juventude Inovativu (JI) ho lema kakutak inovativu, liman kretivu, asaun maka solusaun, prodúz ona mákina behu batar movel, ba komonidade agrikultúr sira, objektivu hodi kria auto inpregu, fasilita servisu ba agrikultór no redúz gastus finanseira ba agrikultór sira
Ba Lian Orluli, Diretúr Ejekutivu JI Filipe de Jesus hateten máqina behu batar ne’e, inisia husi joven produtivo ida ho naran Joel Noronha, hafoin hetan esperinsia husi nasaun Israel, fila mai Timor prodúz rasik makina refere atu fasilita servisu ba agrikultór hodi redúz gastus finanseira no kria mos auto impregu.
” Inisiu iha 2021 to 2022 ami hahú prodúz Máquina behu batar, inisiador ne’e joven kreativu ida ho naran Joel Noronha, joven nee aprende iha izrael, fila mai iha Timor nia uja osan rasik ho materiál ne’ebe mak limitadu no imprestadu, hodi Prodúz makina ne’e,” esplika Kordenadór JI Filipe, (24-01-24)
Diretúr Ejekutivu JI ne’e hatutan makina behu batar foin halo operasaun iha município Covalima no lansa ona makina 10, tuir palanu sei kuntinua ba munisipiu seluk bainhira iha interese
“ JI ho nia membro la taka dalan atu máquina ne operasaun mos iha município seluk inklui ema individu neebe mak hakarak sosa máquina ne ami ho membro sei la taka dalan ami prontu faan nunee bele hetan Rendimento hodi kontinua produz,” Filipe rekomenda
Entertantu Juventude inovativu funda husi joven nain 11 iha tinan 2018 relaija ona aktiviades hanesan formasaun nonformal, agrikultura, Peskiza edukasaun foku liu joven marzinalijadu iha area rural , no advokasia, hahu estabeles, iha tinan 2023 hetan apoiu husi SASCAS hodi Prodúz makina behu batar
Jornalista : Juneia
Editór : Lian Orluli
