Lian orluli- 7/04/2022- kreatividade produj kafe Timor Leste Mistura Ai-Lia, mai husi Inisitiva rasik hakarak promove no dezemvolve produtu lokal.
Hanesan juventude ida la presija hein deit guverno maka fo servisu, nudar sidadun Timor oan hatene saida maka dever kontribui ba ita nia estadu, liu husi dalan oin-oin. Dehan Juana
Juna Ramos foin sae ne’ebé akava nia estudo iha Universidade Nasional Timor Loro sae ( UNTL ) hasai Lisensiatura Edukasaun are Quimica, nia idade agora 29 oras ne’e dadauk iha hela Munisipio Ainaro, Postu Ainaro, Suku Ainaro Aldeia Fatu Mera.
Oras ne’e dadauk sira Produs ona Produtu local Kafe Timor kahur Ho Ai-Lia “ hau halo kafe Mistura Ho Ai-Lia prdusaun ne’ebé maka Ki’ik tebes no fasil ba ema hotu bele halo hodi Konsumu”. Esplika Joana Ramos ba jornalista Lian Orluli waihira halo promosaun nia produtu iha Loja do povu Ainaro.
Juana haktuir tan “ kafe ema hotu bele halo no kuaje iha Timor laran hotu-hotu bele halo, entaun hau hare ne’e iha inisitivu ida atu bele halo kompetisaun ho sira seluk, tamba ne’e hau Mistura Kafe Ho Ai-lia hamotuk, no hodi hanaran (kafe Ai-lia)”. Hatur nia
Nia mos kompara Produto kafe Timor ho rai seluk “ Produtu kafe Ai-lia ne’ebe hau Produj sei original no natural, sira ne’e mesak local deit no produs sei ho manual tradisaun, kafe fai halo ut, nune’e mos ho AI-lia” dehan nia
“hau Iha inisiativo Produs kafe ho AI-lia tamba Durante ne’e ita konsumu barak liu husi importasaun husi rai liur ne’ebe nakonu ho kimia, tamba ne’e hau hanesan joven ida iha ona konhesementu oituan kona ba oinsa atu bele mistura aihan lokal sira sai konsumu diak ba saude maibe la ho kimia, ho ida ne’e hau produs kafe ho Ai-lia sai diak ba saude nune’e mos bele promove diak liu tan produtu lokal sira iha rai laran no sai ba rai liur nune’e mos labele lakon iha mundo Intenasional “ hatete juana Ramos
Nune’e mos nia esplika oituna Kona Esperensia “ hau foti Husi hau nia familia rasik hau nia pai Sarani no main, tempu Indonesia gosta hemu kafe Ai-lia ate agora hau nia pai Sarani ne’e sei hemu, entaun husi ne’e motiva hau komesa buka referensia barak kona ba kafe nomos Ai-lia liu-liu oinsa produsaun kafe Ai-lia, nomos nia maneira oinsa ita atu tau iha tempu naruk , ho ida ne’e mak hau halo kafe Ai-lia maran halo u’ut atu bele tau iha tempu naruk” joana esplika
inisiativa “ hau produs kafe Ailia hanesan maneira ida promove kafe Timor liu husi transformasun kafe u’ut ba industria liu husi mistura kafe ho Ai-lia sai hanesan produto foun 1 atu bele compete iha merkadoria, objetivu lolos atu hasae cresimentu ekonomia rai Laran nomos hadia rendimentu familia, nia esplika
Hau rasik koko halo liu husi eksprimentu bebeik hodi buka reseita lolos ba produsaun ne’e bele rai kleur no agra dadun hau produs ho maunual tampa kimia nia dursaun diak tebes no ita konsumu furak nafatin tamba ne’e produto lokal”. Juana haktuir
Alende ne’e mós esperansa baihira “ hau nia produtu sira ne’e maka hau hetan ona apoiu husi Guverno ka duadores sira no lao tuir duni estandar laboratorium hau mos sei lori produtu ne’e ba estuda klean liu tan”.Juana nia esperansa atu hetan tulu iha future oin mai.
Editor : Lian Orluli
