Lian Orluli, Ainaro 12 Novembru 2025 —Juventude Ainaro kontribui ba konsertu komemorativu nu’udar parte ida husi série atividade 12 Novembru nian. Konsertu ne’e sai hanesan plataforma ida ba jerasaun foun sira hodi selebra korajen, istória luta nian, no espíritu unidade povu Timor nian. Aleinde hala’o eventu reflesaun no orasaun hodi komemora vítima Masakre Santa Cruz,nia sarkifisiu.
Konsertu kalan ne’e hatudu grupu múzika lokál sira no nasional iha mos leitura poema ho tema luta. “Monok ho matawen” kompetisaun ba estudante EBC kona-ba dejenha masakre santa kruz, ida ne’e atu hatudu mensajen morál sira hodi fó hanoin ba públiku katak espíritu 12 Novembru nian la’ós de’it kona-ba tristezedia, maibé mós kona-ba esperansa no desperta nasionál.
Prezidente komisaun Mujinho afirma katak konsertu ne’e ho objetivu atu inspira jerasaun foun sira atu kontinua hadomi sira-nia rai moris fatin no komprende valór istóriku sira ne’ebé forma ona Timor-Leste.
“Liuhusi múzika no arte, ami hakarak hato’o katak luta nunka bele haluha, no katak joven sira ohin loron nian iha knaar hodi salvaguarda nasaun nia futuru, konsertu ne’e hanaran “Roman Domin,Roman Dame” “, nia hatete.
Ho konsertu komemorativu ne’e, selebrasaun 12 Novembru iha Ainaro la’ós de’it solene maibé nakonu ho enerjia no kreatividade. Foin-sa’e sira hatudu sira nia kompromisu atu kontinua kontribui hodi prezerva memória koletiva no prezerva identidade nasionál Timor-Leste nian.
Atmosfera solene ida hale’u eventu ne’e, tanba loron 12 fulan Novembru nu’udar okaziaun ida ne’ebé signifikativu ba povu Timor-Leste.
Eventu ne’e mós hatudu atuasaun animadu sira hosi artista nasionál no lokál sira, ne’ebé destaka luta sira hosi foin-sa’e sira, valór hosi voluntariadu, no viajen naruk ba liberdade. Obra sira-ne’e hetan apresiasaun boot hosi públiku tanba sira nia abilidade atu hato’o mensajen istóriku sira ho maneira ida ne’ebé kriativu hodi anima komunidade iha Ainaro.
“Ami kontenti tebes, joven sira ho voluntariu realiza ona atividade lubun ida, hodi selebra loron espesial ida ne’e, atividade ne’ebé priense animadu tebes komunidade ho konsertu ne’ebé uniku iha Ainaro” dehan Valente, mate restu 12 Novembru
Komisaun eventu ne’ebé kompostu husi voluntáriu Juventude Ainaro, subliña katak série eventu tomak ne’e sai posivel tanba serbisu maka’as no espíritu voluntarizmu, maski ho rekursu no kondisaun ne’ebé limitadu. Maibé, limitasaun sira-ne’e la hamenus kualidade atividade sira-nian ka partisipante sira-nia entuziazmu.
“Ami hakarak hatudu katak ho sira nia abilidade ne’ebé iha, juventude Ainaro bele nafatin fó kontribuisaun pozitivu. Espíritu juventude Loriku Aswain nian tenke moris nafatin iha juventude ohin loron nian,” hatutan Vice Komisaun Organijadora David iha ambitu eventu ne’e
Foin-sa’e sira mós hato’o ezijénsia morál ida ba kamada hotu-hotu iha sosiedade, governu, no instituisaun relevante sira atu fó apoiu másimu ba inisiativa no aspirasaun foin-sa’e sira-nian, liu liu sira ne’ebé dudu hosi prinsípiu voluntarizmu no espíritu luta nian.
Liu husi atividade ida-ne’e, Juventude Ainaro hein atu kontinua espíritu luta ne’ebé hetan husi juventude Loriku As’wain sira no mantein moris sira-nia mehi no aspirasaun iha jerasaun foun Timor-Leste nia fuan.
enetertantu relaija eventu konsertu ne’e hetan kontribuisaun finanseiru liu husi kontribusaun nudar Ainaro oan, ho total Rihun ida atus hitu resin
Jornalista: Lucya/Delia
Editor : Clementina Fatima
