Lian Orluli – Kareta EDTL.EP baku fila rejulta Estudante Amandio Mate Fatin no nain 19 kanek grave, inklui Motorista EDTL.EP nian, iha Aldeia Gerudu suku Soro, Postu Administrativu Ainaro
Akontese Asidente tráfegu ne’e wainhira estudante sira husi eskola Sekundáriu Jeral Fernando Lasama fila husi Orientasaun eskola nian atu ba uma no sa’e tuir kareta EDTL. EP Ainaro to’o iha Aldeia Gerudu suku Soro, akontese kreta bakufila, hodi rejulta estudante nain 19 kanek grave no ida mate fatin, tanba monu sai husi kareta ba mota laran no hetan pankada iha ulun rahun
Ba lian Orluli Vítima Domingos Ximenes Doloroso haktuir, kazu ne’e akontese wainhira motorista halai ho velisidade maka’as ikus mai rezulta karet bakufila
“Ami sai husi orintasaun iha eskola sekundáriu Fernando Lasama de Arauju atu fila ba uma, iha Suro karaik, kareta ne’e mai no para, kondutor haruka ami sa’e tuir, antes ne’e lao diak hela derepenti kondutor fila, roda sorin hi’it aan sa’e hodi rejulta kareta bakufila ba fatin naruk,” Haktuir vitíma Domingos Ximenes Doloroso, iha sentru Saúde Ainaro, kuarta (10/1/2024)
Hafoin asidente trafegu ne’e akontese ekipa APC dirasaun Bombeirus to kedas iha fatin akontesementu hodi evakua vitíma sira sai husi fatin, mai iha Sentru Saúde Ainaro, nune’e hodi hala’o tratamentu saúde Emerjensia husi mediku sira
Enkuantu kareta ne’ebe envolve iha asidente trafegu ho sapa matriku 04-474 G no motorista nudar trabalhador EDTL munisipiu Ainaro ho identidade Rosito Pereira tinan 38, akontese ne’e iha oras mais ou menus 03 : 45 otl
Jornalista : Jeny
Editór : Lian Orluli
