Lian orluli-28-07-2022- Kareta Estadu ida ho sapa matrikula 03-695 G husi IGE baku fila iha area Builico Jakarta dua Ainaro
Motorista Marcelino dos Santos Babo ne’ebé kondus kareta Estadu ne’e hateten asidente trafífigiu ne’e akontese iha tuku sanulu resin ida meudia oras Timor Leste bainhira nia kondus kareta refere tula fatuk husi mota sarai atu mai iha Ainaro villa
Marcelino dos Santos Babo dehan kareta ne’e baku fila hafoin kareta sae suvida ikus mai kareta nia forsa lato’o hodi halai ba kotuk baku fila rezulta motorista kanek kaman iha liman sikun los no ho pasajeiru ida
“Ha’u ba tula fatuk husi mota sarai atu lori ba Ainaro, bainhira to’o iha area Bulico sae suvida labele kareta halai mai kotuk ikus mai baku fila, hodi taka estrada-laran. Ne’e mak ami tenta hasai kareta sira ne’e”. Dehan Motorista Marcelino
Hafoin akontesimentu Polsia tranzitu Ainaro to’o iha fatin akontesimentu hodi asegura fatin akontesimentu evidensia hanesan kareta bakufila,
Komandante tranzitu Munisípiu Ainaro Sarjentu xefe Marito da Costa Coelho hateten sei loke prosesu investigasaun ba motorista atu bele hatene fatuk ne’ebé tula atau ba aktividade Estadu nian ou aktividade privadu
“Ami sei bolu motorista hodi loke prosesu investigasaun ba nia atu bele hatene lolos kauza husi akontesimentu ne’e. No aktividade tula fatuk ne’e ba Estadu nian ou privadu”. Informa Comandante tranjito Marito Coelho
Tuir obrservasaun Lian Orluli.News iha terrenu nota katak kareta ne’ebé mak baku fila taka estrada hodi difikulta movimentasaun transporte husi Dili ba Suai tantu Suai atu mai Ainaro kontinua ba kapital Nasaun Díli.
Editor: Lian Orluli
