Lian Orluli—Dadus ne’e fo sai husi Komandante Tranjito PNTL Munisípiu Ainaro, Sarjentu Xefi Polisia Marito da Costa Coelho, kuarta ne’e iha nia kna’ar fatin Komando Ainaro
Tuir Komandante ne’e esklarese, durante selebrasaun loron natal, Iha Ainaro la rejista kazu ruma no situasaun kontroladu tanba seguransa másimu husi PNTL sira maibe iha kuarta 27 fulan Dezembru foin lalais ne’e pelu menus oras haleu tuku 5:00PM iha Ainaro Villa akontese asidente rodaviáriu entre motor ho motor rezulta sidadaun nain ha’at ne’ebé kompostu husi membru F-FDTL feto ida kanek grave no sidadaun nain tolu kanek kma’an
“Iha loron 24 too loron 25 ita la rejista asindente, tanba ami husi polisia tranzitu ho ekipa konsege assegura ho di’ak no seguru iha selebrasaun festa nátal nian. Asidente trafegu ne’ebé akontese iha Ainaro villa por volta iha horas tuku lima loraik no envolve husi motor rua ida husi YAMAHA Vixon diresaun husi suai ho xapa matrikula Y1004 tantu membru F-FDTL feto ida passa ferias natal nian iha Suai no to’o ona tempu fila fali ba komandu hodi kontinua hala’o servisu maibe motorista Americo Fereira tula membru F-FDTL ne’e atu ba hala’o nia servisu iha Baucau maibe to’o iha Ainaro villa hetan asidente no Membru F-FDTL Feto ne ho naran Alzira fereira hetan kanek Grave ho motorista Americo kanek kmaan no mos nain rua seluk kanek kma’an”, Nia dehan ba jornalista Lian Orluli, kuarta (27/12/23)
Autoridade Seguransa ne’e esplika, asidente ne’e akontese tanba motorista feto ida ho idade minoria tenta ultrapassa liu husi bus oin no la iha tensaun ba oin nune’e rezulta kedas situasaun ne’e
“Motor YAMAHA vixon nee soke malu ho motor ida ho marka HONDA modelu Revo Fit maibe motor Revo nee laiha xapa matrikula, asidente ne’e akontese tanba motorista ne’ebe konduz motorizada Honda Revo ne’e labarik menoridade feto ida ho naran Jania J. Alves tula ho Veronica atu ultrapasa bus iha oin maibe la koidadu no atensaun maka akontese asidente no labarik menoridade ne’ebe mak ho motor Honda Modelu Revo fit maibe laiha xapa matrikula husi oin no kotuk no Motorista Jania mos karta kondusaun laiha,” nia hatutan
Hare’e ba situasaun hirak ne’e Komandu ne’e apela ba sidadaun sira baihira halo viajen tenki neneik no uza kapaseti
Enkuantu sidadadun nain 4 ne’e hetan ona tratamentu emergensia iha Sentru Saúde Ainaro, no familia husi Jania presta ona deklarasaun iha Comando Polisia
Jornalista : Jeny
Editor: Lian Orluli
