Lian Orluli – Polisia Nasional Timor-Leste Munisípiu Ainaro Liu husi seksaun Tránzitu durante periodu anterior rejista Kazu Asidente tráfegu 40 iha Munisípiu Ainaro, alende ne’e rekoilla koima dolar rihun ruanulu-resin ba kofre estadu no koima hirak ne’e rekoilla husi infratór sira ne’ebe komete infrasaun durante periodu 2023 no rejista mos kazu asidente roda viáriu balun
Dadus ne’e fo sai husi Komandante Tránzitu Munisípiu Ainaro sarjentu xefe Marito Coelho ba lian orluli iha nia kanár fatin hafoin rekolla relatóriu anuál
“ Husi kazu 40 ne’e kazu 4 maka prosesu ba iha Ministériu Públiku tanba involve asidente tráfegu halakon ema nia 2 nia vida no kondisaun sem karta, no kazu ida seluk maka ita hetan delegasaun kompetensia, dadaun ne’e ita hala’o hela ho dilezensia ba prosesu, husi dadus refere, kompara ho tinan kotuk 2022 ita resjista 42, tinan ne’e menus rua deit” xefe tánzitu ne’e esplika ba lian orluli iha nia knaar fatin Ainaro
Alende rejista kazu, rekoilla mos koima husi infrator sira ne’e komete infrasaun hamutuk dolar rihun ruanulu resin ba kofre estadu ihanperiodu anterior
“ Hau mos atu hatutan tan, husi Janeiru to dezembru tinan 2023, Ami rekolla koima husi infratór sira maka hanesan prende motorista sira hamotuk 140 ho nia koima sira maka maka dolar $20,111” nia hatutan
Nune’e PolTraz sira mos halo aprensaun ba veíkulu sira ne’e la iha dokumentus no la kompletu inklui prende motorizada ilegal balun
“ Husi infratór sira ne’ebe komete iha infrasaun hamutuk 410 ne’e inkluidu prende motorijada ilegal 20, husi ne’e ita prega koima hodi selu nota infrasaun, nune’e devolve fila fali ba nain, Enkuantu husi motor ilegal 20 ne’e tanba laiha dokumetus mensionado,” nia hakotu
Jornalista : Lian Orluli
Editor : Lian Orluli
