Lian Orluli – Kazu asidente trafegu ne’ebé akontese iha Area Dare Ainaro, suku Mulo, Postu Administrativu Hato-builico, Munisipiu Ainaro, rejista ona iha Ministeriu Publiku (MP)
Asuntu ne’e hato’o husi Komandante Polisia Tranzitu Munisipiu Ainaro, Sarjentu Xefe Marito Coelho, relasiona ho asidente trafegu ne’ebé mak akontese iha loron 26-10-2023 tinan ne’e iha Dare Ainaro rejulta Leonitu De Araújo Tilman mate iha fatin no nain sia kanek todan no kaman
“Kazu asidente kareta baku-fila rasik ne’e oras ne’e dadaun ita rejistu ona iha ministeriu publiku ho nia Numero NUC.000323 ANSTM. Kazu ne’e kauza husi ema ida mate kedas no nain sanulu hetan kanek todan no mos nain Lima seluk dehan normal maibé nia kondisaun mos kanek hotu ne’e ida rua kondutór komete komisaun sem karta kodigu penal iha Aritgu 2007.
Komisaun Sein Karta ne’e mos Krimi ida tuir informasaun katak kondutór hemu tua lanu no nia mos kontra ona Artigu 208 Komisaun ho Alkoliku, ho inisial DAQ”. Dehan sefe Tranjitu ne’e
Alende ne’e, Komandu Polisia Tranjitu, Marito Coelho hateten, kazu asidente trafegu refere submete ona ba prosesu investigasaun no identifikasaun motorista ho inisial DAQ, ne’ebé laiha karta kondusaun no iha momentu ne’eba kondúz kareta deskonfian konsumu tua manas.
Nia esplika, “vitima ne’ebé mate ho nara kompletu Leonitu de Araujo Tilman, no kanek ne’e hamutuk 10 ho kondutór, nain Lima kondisaun kaman. Kazu ne’e rejistu ona iha Ministeriu Publik iha loron 16-11 2023 semana kotuk hodi hein delegasaun kompetensia hatun husi Ministeriu Publik, nune’e bele bolu motorista no familia vitima hodi tuir primeiru Interogatoriu iha Tribunal Distrital Suai”.
Nia argumenta, “kareta ne’e hau konvense ona kondutór hanesan kareta nain maibé kondutór seluk rekupera didi’ak ho ninia kondisaun, entaun kondutór dehan di’ak liu labele foti lai kareta depois nia ho familia vitima hasoru malu, rezultadu hasoru malu ne’e halo nusa mak bele foti kareta ne’e, tanba ne’e mak ita sei hein, kondutór rasik atu fila ba nia uma, nia tauk fali familia sira husi vitima ninian entaun hau aprosima ona atu hakmatek ba hare kazu asidente ne’e rasik”.
Nune’e labele hamosu kazu krimi seluk, entaun sira kolabora hamutuk atu hasoru malu tanba ne’e hau promete ba sira orsida tuku 02:00 loraik hau koko sira atu hasoru malu ne’e entermus Familia, maibé prosesu la’o nafatin kontinua halo investigasaun depois halo investigasaun kontinua ba iha tribunal buat hotu-hotu tribunal mak deside. Ita hotu hatene katak kazu sivil, kazu krimi ne’e nain Auto de notisia ba iha Ministeriu Publiku mak iha kompetensia liu atu halo investigasaun ba kazu sira hanesan ne’e.
STJ: Hanya
Editor: lían orluli
