Lian Orluli—Komandante Komando Polisia Nasionál Timor Leste (PNTL) Munisípiu Ainaro Asistente Superientendente Luis da Silva hateten, Hahu husi Janeiru to Marsu tinan 2024 rejista kazu ofensas hamotuk 28, kompostu husi postu tolu, Ainaro rejista 16, Hato-builco 8, Maubisse 4, enkuantu Postu Hato-udu laiha kazu.
Tuir Komandante Komando PNTL Munsípiu Ainaro esplika, liu husi investigasaun kriminál rezista kazu maioria husi estudante Sekundário Geral
“Husi kazu nee rejista aas liu maka ,ofensan tamba komunidade no estudante sei menus koñesementu kona ba rezolusaun konflitus, kazu hirak ne’e mai husi eskola sekundária fernando lasama nian, ne’e iha postua Administrativu Ainaro nian” dehan Komandante Komando PNTL Munisípiu Ainaro Asistente Superintendente Luis da Silva , tersa (12/03/24)
Nune’e nia hatutan tan sei tau postu permanente ida iha eskola sekundário Jerál fernando lasama de Araújo hodi Prevene komflitu entre estudante ho estudante
“Ho biban ida ne’e husu ita nia apoiu atu halo postu permanente ida iha ne’eba,tuir planu sei hasai komvite urzente atu hala’o enkontru ho inan-aman sira atu hare assuntu ne’e, oinsa atu mobiliza oan sira La bele akontese tan konflitus entre estudante ho estudante. ita tenki mantein páz no estabilidade iha ita nia munisípiu” dehan Komandante ne’e iha ambitu sosializasaun Prevensaun Komflitu iha Postu Administrasaun Hato-udo
Iha ambitu ne’e komandante komando PNTL Munisipiu Ainaro hatutan tan komunidade postu Hato-udu seidauk rejista kazu ruma, durante fulan tolu ne’e.
“Husi kazu sira ne’e rejista a’as liu maka ofensas integradu simples, iha postu Administrativu Ainaro rejista 16, Hato-Builico 8, Mauibsse 4, Postu Hato-udu sedauk rejista kazu ruma” Nia hakotu
STZ : Fynha Sarmento
Editor : Lian Orluli
