Lian-Orluli— Durante fulan Janeiru to’o fulan Agostu Polisia Nasional Timor Leste (Sigla PNTL) Munisípiu Ainaro, rejista kazu hamutuk lima nulu resin lima kompostu husi kazu Asaltu, Violensia Doméstika, Ómisidiu no Ofensas.
Lia hirak ne’e hato’o husi komandante Investigasaun kriminal, Sarjentu xefe, Armindo do Rosário Araújo, ba Jornalista Lian Orluli iha nia kanar fatin.
Sarjentu xefe, Armindo do Rosário
“Hahu Janeiro to’o Agostu Polisia Investigasaun Kriminal registu kazu jeral hamutuk 55. Husi kazu 55 ne’e, rejisa aas liu maka Ofensas Integridade Simple 24, tuir fali Violensia Dómestika 14, Ómesidiu 3 no husi kazu Ómesidiu ne’e rejista Ómesidiu grave 1, no Ómesidiu simples 2”, Komandante investigasaun ,Armindo do Rosario Araújo, Esplika, kinta (8/09/23).
Nia hatutan tan “Dadaun ne’e kazu hirak ne’e rejistu ona iha Ministériu Públiku no kazu rua ne’ebe iha akontese iha fulan Setembru Tinan ne’e sei iha hela prosesu Investigasaun.” Komandante Investigasaun Kriminal ne’e hakotu.
ESTJ: Renhy/Nynha/Fynha
Editor : Lian Orluli
