Lian Orluli – Segunda feira ne’e komisaun Luta Anti Tráfiku Umanu inklui ministeriu justisa promove dekretu lei no.9/2021 papel komisaun Luta Anti Trafiku Umanu (KLATU) ba autoridade munisipiu Ainaro oinsa halo prevenesaun ba trafiku Umanu tanba ikus-ikus ne’e maioria foinsae sira ba buka servisu iha nasaun seluk
Iha dezaminasaun Ministru justisa Amandio de X. Benevides, hateten dezaminasaun ne’e hodi aumenta koiñesimemtu ba autoridade sira atu bele habelar informasaun ba juventude sira liu-liu foinsae feto sira ne’ebé iha interese buka servisu iha nasaun seluk nune’e labele monu ba lasu tráfiku umanu
“Joven sira ne’ebe mak hakarak ba halo servisu no buka servisu hodi nune’e labele monu ba iha trafiku Umano no mos servisu laboral nian, feto sira balun servisu hanesan atan no servisu la tuir saida mak promete ona ho sira tantu iha rai-liur no rai-laran liu-liu iha munisípiu sira”. Ministro justisa Amandio de X. Benevides informa ba autoridade sira iha Administrasaun Munisípiu Ainaro segunda ne’e (28/08/2023)
Iha fatin hanesan, Governante ne’e hatutan, Lei Tráfiku Umanu ejiste iha tinan 2017 hodi dezenvolve lei trafiku Umanu, tanba nia parte observa akontese ona iha Nasaun sira seluk
“ Lei Trafiku humano ejiste iha 2017 maibe agora tau ona medidas iha asaun hodi dezenvolve Trafiku umano atu labele akontese no agora dadun balun akontese ona iha portugal, Alemanha, hanesan ajensia sira lori sidadaun sira ba soe hela iha ne’ebá tanba ne’e komisaun KLATU servisu hamotuk ho agensia Internsional hodi hodi buka meius oinsa, atu bele lori fila ita nia sidadaun sira ne’ebé mak agora dadaun iha hela Alemanha, Portugal”. Hakotu
Dejaminasun ne’e hala’o hafoin vijita da-uluk Ministru Justisa (MJ), Prezidente KLATU, Diretora JSMP, no partisipasaun autoridade munisipiu Ainaro, autoridade Seguransa PNTL, Diretores liñas Mimisteriais, Lideransa Komunitariu ne’ebe kompostu husi postu Administrativu haat iha munisipiu Ainaro.
Jornalista : Sarah
Editor: Lian Orluli
