Lian orlulu- 28-07-2022- Komandante PNTL Munisipiu Ainaro Superentendente Justino Menezes Husu Ba Membru PNTL Na’in 5 Atu Hala’o Kna’ar Ho Responsabilidade.
Justino Menezes hato’o asuntu ne’e hafoin fó tomada de pose ba komandante operasaun bombeirus Munisípiu Ainaro no komandnte eskuadra nain rua husi Maubesi no Hato-udu no xefe servisu informasaun Polísia inklui segundu komandante Eskuadra Polísia Hato-udo.
Komandante PNTL Munisípiu Ainaro Superentendente Justino Menezes hateten membru sira ne’ebé simu kna’ar foun tamba bazeia ba despaisu segundu komandante jerál PNTL ho númeru 88/2/7/2022.
Komandante PNTL Ainaro Justino Menezes husu ba nia membru sira atu hala’o servisu ho efetivu atu nune’e bele garante seguransa ne’ebé di’ak ba komunidade iha Munisipiu Ainaro.
“Primeiru ita halo avaliasaun kada fulan neen –fulan neen ita halo avaliasaun tamba ne’e mak ohimnita bolu administrador munisipiu Ainaro no postu sira testamunha iha nomeasaun ida ne’e . Administrador sira hanesan lider masimu iha munisipiu aumesmu tempu administrativu Ainaro sira bele servisu hamutuk oinnsa atu bele hadia seguransa no estabilidade iha ida-idak nia área juridiku. Wainhira sira la’o ladun di’ak, komandante halo avaliasaun. Tamba iha avaliasaun ne’e kada fulan-fulan, entaun orientasaun ne’e tenki ba hela de’it, kuandu la kumpri servisu signifika katak ninia skil kaer komando ne’e la di’ak entaun ba oin ita tenki promove fali seluk ne’ebé bele”.dehan komandante Justino ba jornalista remata fo pose ba membru nain 5 Iha fatin Administrador Munisípiu Ainaro .
Leovegildo Amaral Pereira agradese ba komandante eskuadra Maubessi no Hato-udo nebe simu ona pose hodi bele garante seguransa ba komunidade.
“Ha’u agradese ba komandante eskuadra sira hotu ne’ebé mak durante ne’e servisu hamutuk ho administrador postu sira iha terrenu hodi asegura aktividade ne’ebé mak komunidade hala’o iha terrenu. Ha’u mós husu ba komandante sira ne’ebé mak simu ona posse atu servisu ho responsabilidade buka koopera ho komunidade sira atu nune’e ita bo’ot sira nia servisu bele la’o ho susesu”,dehan Leovegildo Amaral Pereira.
Enkuantu komandante eskuadra polísia ne’ebé simu pose mak hanesan inspetór Adolfo Bernardo sai núdar komandante Eskuadra Polisia Maubessi no Sarjentu xefe Nelson Felder de Araújo komanda Eskuadra Polísia Hato-udo inspetór Tome Yosep ba xefe Operasaun, apoiu servisu operasaun protesaun Sivil Munisipo Ainaro Alfonsu Da silva, primeiru sarjento Antonio Siquera Soares ba Segundu komandante Eskuadra Hato-udo ajenti xefe Clementino de Araújo komanda servisu informasaun Polísia iha munisipiu Ainaro
Editor: Lian Orluli
