Lian Orluli—Reprezentante Komandante Polisia Nasionál Timor-Leste Munisipiu Ainaro, Komandante Xefe Polisia Operasionál, Sr. Martino Amaral hateten katak asunto Salvaguarda ne’e importante tebes no kuandu ema ruma halo asediu sexual ne’e kontra lei.
Asunto hirak ne’e hato’o iha abertura ba treinamentu kona ba Salvaguarda no PSHEA ne’ebé organiza husi Mídia Lian Orluli no koopera ho NGO Plan International iha Salaun CNE Munisipiu Ainaro.
“Tanbá Salvaguarda ne’e importante tebes, oinsa atu Salva ema nia vida, asediu sexuál ne’e kontra lei (Lei Kodigo Penal), tanbá nasaun Timor-Leste bandu, asediu sexuál ne’e sempre akontese hela de’it no akontese la’os ba feto de’it”. Hateten Comandante xefe Opersaional Martino iha abertura Fomasaun PSHEA. Segunda (7/08/23)
Nia komenta liu tan katak asediu sexual no abuzu sexual sira dala ruma akontese iha Timor-Leste laos halo husi parte mane deit maibe bele mos halo husi feto sira, nune’e nia husu ba partisipante sira no ema hotu atu bele halo relatoriu ba kazu ne’e bainhira sira sente, rona no hare.
“ Maibé feto no mane mak kontribui ba asedu sexual sei ita bo’ot sira mak hetan ka hasoru kazu sira hanesan ne’e iha aldeia 131 no Suku 21 iha Munisípiu Ainaro bele hato’o ba Polisia Komunitariu Suku, maibé la’os PNTL mak sai nain ba kazu nain ba kazu mak Ministériu Públiku’’. Xefe Polisia ne’e enkoraza.
Iha okaziaun hanesan, Jestora Mídia Lian Orluli, Clementina Fátima da C. Araújo agradese ba Plan International tamba bele hataan ona pedidu ne’ebé hato’o ba iha tempu badak nia laran deit maibe fo resposta lalais deit no bele realiza aktividade treinamentu ne’e.
“Agradese ba Plan International maske ami husi Media lian Orluli hato’o ami nia pedidu ho ugenti, maibé Plan bele aprova hodi realiza trenamentu Safeguarding And Preventing Sexual Harassment Exploitation Abuse (PSHEA) ba Estudante Estajiadu Jornalismu, Joventude CVTL Filial Ainaro, Centro Juventude Munisípiu Ainaro, tanbá agora dadaun Estudante Jornalismu sira tama iha Pratika, atu nune’e sira bele prevene a’an husi Asedu Sexual no Abuzu wainhira sira tun ba iha tereinu”. Dehan mana Clementina
Entertantu Formasaun ne’e halao duraten loron rua, hahu dia 07-08 fulan Augusto tinan 2023, iha Salaun CNE Munisipiu Ainaro ne’ebé hetan paritipasaun husi ema nain 30 resin.
Editor : Lian Orluli
