Lian Orluli—19 Agosto, 2025, Komemora loron ezisténsia FALINTIL ba dala 50, iha Ainaro, Partisipa Masimu estudante ho Funsionariu Públiku, menus husi komunidade.
Mário Magno, foin primeira vez, selebrasaun loron ida inportante iha Ainaro, ne’e espesial ba povu Timor oan hotu, maibe’e komunidade ladun partisipa másimu maioria estudante no Funsionariu Publiku, Komunidade ladun iha.
“Hanesan profesór ida sente triste tamba konvite husi ita nia Autoridade Munisipal sira la to’o ba komunidade, tanba ne’e partisipasaun menus teb-tebes, ho ida ne’e komunidade husi Suku ba Suku la marka prezensa, ba oin husu komisaun tenki hadia maneira serbisu iha informasaun, atu nune’e komunidade hotu bele partesipa iha komemorasaun ba loron importante sira hanesan ne’e” dehan Mario hanesan profesor.
Fatin hanesan, xefe suku Maubisse Wilson Nivio M.P.Mendonca, Hateten eventu ne’e espesial ba komunidade hotu, triste tebes iha serimonia ne’e komunidade la partisipa masimu, komisaun organizadora tenki hadia, atu nune’e iha futuru labele akontese tan, no komunidade tenki iha sentidu hanesan Timor oan.
“Hau hakarak hato’o hela ba komunidade sira no komisaun organizadora tantu ita nia maluk lideransa sira seluk hanesan Xhefe do Suku, oinsá maka ita nia movilizasaun ba komunidade sira atu nune’e bele partisipa iha loron Espesial sira hanesan ne’e, ita hotu hatene katak falentil maka liman kroat ba povu Maubere nian durante tinan naruk, sira ninia rezisténsia fo vida tomak hela, fuik iha ai-laran hodi luta ba ita nia ukun a’an, ohin loron ita atinji ona, no selebra loron FALENTIL ba dala lima nulu, maibé partisipa komunidade sira menus teb-tebes hatudu katak ita nia sentidu hanesan ema Timor oan menus ba daudaun ona”.dehan xefe Suku Wilson
Lideransa Komunitáriu Suku Maubisse ne’e hatutan “ Hau hanoin ba futuru presiza organiza hala’o di’diak,ba komisaun organizadora sira ne’ebé maka aban bairua atu organiza buat sira hanesan ne’e ,atu movliza Masimu ba komunidade sira, atu partisipa iha eventu sira hanesan ne’e ,ho eventu sira hanesan ne’e ema seluk ou ne’ebé agora dadaun iha ne’e, hatudu imajen ne’ebé maka la di’ak, hatudu katak ita nia sentidu kondelensia ba iha loron sira hanesan ne’e laiha, espera ba future, buat sira hanesan ne’e labele akontese tan iha dia 20 de Maio 20 de Agostu 28 de Novembru,la bele akontese tan, loron sira hanesan ne’e ita hotu hatene komunidade sira mos hatene”
Sefe Suku Wilsson dehan, partisipasaun menus husi komunidade nota, parte governu no Edukasaun, hanesan Timor oan labele haluha loron importante sira, ba oin tenke tau papel ne’ebé inportante, komisaun organizadora tenke hare situasaun ne’e, tenke halo servisu hamutuk ho Autoridade lokál sira oinsá bele moviliza komunidade
“Informasaun sira hanesan ne’e labele trade ba komunidade, loron importante ita hotu iha obrigasaun tenki ba partesipa , maibé ida ne’e ita hare hanesan failansu husi komisaun organijadora, ita hare situasaun sira hanesan ne’e keta akontese tan, preparasaun komisaun nian kuandu iha atividade inportante hanesan ne’e, tenki priense ho atividade sira hanesan feria, jogo amizade ruma, no konsertu mujika, atu nune’e bele gainha ita nia komunidade sira, maibé falta ne’e husi komisaun organizadora”. .hakotu
Entetrnatu Munisípiu Ainaro iha postu administrativa haat, suku rua nulu resin ida, total populasaun ruhun walu resin.
Jornalista : Pedrolina Da Costa.
Editor : Clementina Fáima
