Lian Orluli— Vítima Emilito lin de Deus soares, núdar motorista haktuir kronolojia katak, grupu joven sira hala’o asaltu ba nia ho alin na’in tolu iha área karau-ulun Ainaro, hafoin lori aifunan ba tau iha rate iha área Fatulelo suku Ainaro, iha loron rua fulan Outobru tinan ne’e.
Iha akontesimentu ne’e, Jenita Soares Barros tinan sia, hetan tuda husi grupu joven sira ho fatuk kanek iha parte reen toos, hafoin Emilito Lin de Deus Soares ho brani kondus motor crf halai sai husi grupu joven sira ne’ebé asaltu no ba iha sentru saúde Ainaro hodi hala’o tratamentu ba vítima Jenita Soares Barros.
“Problema ne’e entre hau ho primu ida iha rate no rejolvidu tia-ona husi pai ho tiu sira, maibe’e depois ami fila to iha area Karau-ulun Ainaro, grupu sira sai mai barak kaer fatuk hamrik iha estrada ninin, no hau hare primo ne’e kaer hela fatuk boot ida atu riba mai ami no hau konsege dudu ses fatuk ne’e monu husi nia liman no hau halai maibe’e sira kontinua tuda husi kotuk kona alin feto iha parte rentos,” Emelitu nudar maun no vitima haktuir.
Vítima Emilito lin de deus soares afirma katak, hafoin akontesimentu iha loron rua kinta-feira liu ba, iha sesta-feira horseik grupu joven sira deskonfia kaer ai no sasán kro’at hodi provoka Emilito Lin de Deus Soares, hodi hala’o agresaun fizika, tamba ne’e Emilito lin de Deus Soares husu parte seguransa atu halo kontrolu masimu.
“Horseik hau hare joven sira ne’ebé asaltu mai iha Karu-ulun, iha balun kuntinua halo movimentu ho katana no ai hodi buka tuir no husu halo agresaun fijiku ho hau, maibe’e la konsege. Tanba ne’e hau husu ba parte PNTL atu halo kontrolu masimu hodi bele garante seguransa ba komunidade”.Emilito de Deus Soares husu ba PNTL atu hala’o patrulhamentu hodi prevene aktu krime sira iha Ainaro.
Relasiona ho kazu asaltu ne’e José Maria Soares, núdar vítima nia aman ba hato’o ona keisa iha komandu PNTL munisípiu Ainaro atu nune’e bele buka tuir autor sira ne’ebé hala’o asaltu ba nia oan sira iha área Karau-ulun Luga-tu Ainaro
“Hau mai ne’e atu husu ba PNTL hodi buka tuir autor sira ne’ebe involve hakanek hau nia oan, atu nune’e bele submete ba investigasaun. Tanba ho akontesementu ne’e hau nia oan to agora sei trauma makas,” Jose hanesan aman kestiona
Entertantu kazu ne’e submete ona iha PNTL munisípiu Ainaro, atu nune’e bele buka tuir suspeitu sira.
Editor : Lian Orluli
