Lian Orluli – Fasilitador Komité Orientádor 25 Apolinariu Magno hateten liu husi Refleksaun ne’e atu rekoilha Evidensia no faktus husi Autór no sasin ba Akontesementu 30 de Agostu hodi Produs Sai Livre ida ba Povu Timor-Leste.
“Parabens ba povu Timor-Leste tomak ba dala XXV ne’ebé mak Selebra konsulta populár 30 de Agostu 2024, ha’u orguillu tebe-tebes no sente onradu bele hola parte iha komisaun Organizadora atravez de komité orientádor 25 hodi mai halibur dadus evidensia no faktus ne’ebé hato’o diretamente husi autores, sasin sira kona-ba masakre sira ne’ebé mak akontese iha Timor laran tomak apartir de 1994 too 1999, maibé aproveita festival Komemorasaun 30 de Agostu 2024 ami foka liu ba sasin sira ne’ebé maka sai testamuña nia konsekensia husi konsulta populár ne’ebé mak akontese iha tinan 25 liu ba depois de 30 por isu varius informasaun ne’ebé maka mai husi ema ne’ebé mak la hanesan ho ida-idak nia istoria ne’ebé diferente, 1° ami atu responde tuir orientasaun sua Exelensia Primeiru Ministru nian katak Istória Timor oan nian sai Autór ba iha Pasadu só timor oan mak bele hakerek reprezentante povu Timor-Laran tomak no nakonu ho evidensia, faktus no informasaun aktual liu husi Informasaun sira bee ne’e ami sei halo gravasaun hodi ba halo tranzisaun hodi hakerek sai livru ida”. Fasilitador komité orientádor 25 dehan hafoin halo refleksaun iha Palku Haksolok, Kinta kalan(29/08/2024).
Adminitrdor Posto Administrativu Ainaro Villa Jerry Manuel Magno Hateten liu husi Refleksaun ne’e atu Hanoin hikas fali Tinan 25 ba kotuk ne’ebe mak lakon sira nia isin no raan hodi sosa Ukun Rasik A’an
“RDTL tanba ne’e ohin kalan ida ne’e konvida ita nia populasaun funsionario sira ne’ebe mak sai sasin moris iha momentu konsulta popular tinan 25 ba kotuk, ita hotu hamutuk halo refleksaun hodi relembra fali tinan hira ba kotuk saida mak akontese iha konsulta populár iha 1999, Husu ba Juventude sira iha Munisípiu Ainaro hare’e ba istória sira ne’ebé mak ohin sasin sira konta ukun a’an ne’e la fasil la fó de’it iha bandeza mai ita simu de’it maibé lori mate lori raan no ruin mak sosa tanba ne’e refleksaun ne’e importante tebes ba imi joven sira atu buka hodi hatene istória moruk ne’ebé mak ita nia Avo, inan aman sira sofre iha tempu ne’ebá, hodi respeita historiku, Respeita mós ita nia Nasaun Soberania RDTL ida ne’e“. Dehan APA Ainaro
Entertantu iha refleksaun ne’e partisipa husi Presidente Autoridade Munisípiu Ainaro Manuela Georgina Carmo Bucar Corte-real, Komité orientádor 25, Inan aman , Estudante , Profesór sira, Juventude inklui mós labarik sira iha Munisípiu Ainaro
Jornalista: Sara Lewis
Editor :Lian Orluli
