Ainaro Lian Orluli— Komúnidade Aldeia Raebuti-udu 1000 resin husi suku Manutasi Ainaro seidauk asesu ba estrada di’ak, husi governu.
Xefe suku Manutasi no abitante sira hateten, maske Aldeia Raebuti-udu potensia ba setór Agrikula, maibé komunidade labele transporta sira nia produtu ba merkadu, tamba kondisaun estrada ne’ebé grave tebes
Alende potensia setór agrikula, aldeia Raebuti-udu uma lisan lima iha área refere.Tamba abitante sira husu ba ministériu ESTATAL liu husi PNDS atu hadia estrada rural ne’ebé aat.
“Aldei Raebuti-udu iha potensia tebes ba setór agrikula, maibe’e estrada deit maka difikulta tebes komunidade sira atu bele transporta sira nia produtu ba merkadu, tanba ne’e hau rekomenda ba governu liu husi ministerio ESTATAL i liu husi programa dezemvolvementu suku (PNDS) atu bele hadia estrada refere hanesan mos iha suku no aldei seluk, tanba komunidade iha ne’e kuaze rihun ida resin(1000)ko uma kain hamotuk 213 no uma lisan 5 maka iha aldei Raebuti-udu ne’e,” xefe suku manutasi manuela da silva caldas, dehan iha nia knar fatin sabadu (20/01/23)
Alende ne’e abitante Mateus de Araújo, hato mos prekupasaun estrada Raebuti-udu ne’ebé maka grave tebes
“Ami povu ki’ik ne’e kada tinan lima sempre ejerse ami nia votus hodi hili nai ulun ida atu ukun rai doben ida ne’e no la kleur tan eleisaun dala idan hodi deside Governu ida nune’e bele dejemvolve rai ida ne’e, triste ba ami maka tó agora ami seda’uk asesu ba estrada ne’ebe diak, ami sente katak nasaun ida ne’e dezemvolvimentu iha deit kapitál seda’uk tó mai iha baze, tanba ami seda’uk sente lao iha estrada ne’ebé diak, no hakarak husu deit Governu mai hadia netik estrada iha aldei Raebuti-udu ne’e,” abitante Mateus de Araújo, hateten
Hatan ba preokupasaun komunidade nian, Diretóra Interina PNDS munisípiu Ainaro Virgínia de Araújo konsidera preokupasaun ninian hodi alista periodade, hodi hein alokasaun orsamentu husi governu
“ Ne’e tama ona iha lista reoridade, bainhira Governu aloka ona orsamentu mai iha PNDS, tuir kada suku idak-idak nian ne’ebé maka preoridade ami sei tun ba iha baze nune’e bele halo sosialija iha baze nune’e fila fali ba iha preoridade iha Aldei sira sei mai taes iha Suku bainhira passa, ita halo servisu hadia estrada refere, baihira la passa preoridade ba aldei seluk,” Diretóra interina PNDS munisípiu Ainaro Virgínia de Araújo
Enkuantu aldeia Raebuti-udu baliza ho aldeia Fatumeata-udu no suku Nunumoge Postu Administrativu Hato-builico munisípiu Ainaro
Editor : Lian Orluli
