Lian Orluli- Komemora Loron proklamasaun Independesnia ba dala haat nulu resin-sia, iha munisipiu Ainaro la hanesan tinan sira liu ba tanba komunidade sira hamriik iha mahon hodi ajiste selebraaun aniversariu Timor-Leste Independente ne’e
“Hau Kontenti tebes tanba tinan ne’e iha Ainaro ami bele hamrik iha mahon hodi partisipa isar bandeira, no ami la harmik ona iha loron manas hanesan tinan kotuk liu ba”, dehan Komunidade Armada de Araújo, iha sermonia isar bandeira, kinta ne’e, 28/11/202.
Alende Armanda louva preparasaun, Silvino Xavier mos observa komemorasaun aniversariu Timor leste independensia, iha Ainaro diferente ho tinan kotuk liu ba, ho nune’e nia rekomenda ba komisaun organizadora atu hadia diak liu tan iha futuru.
“Tuir ha’u nia hare’e komemorasaun Aniversariu Proklamasaun Independensia Timor-Leste ba dala haat nunlu resin sia, iha Munisípiu Ainaro iha diferente ho tinan hira ba kotuk, no iha tinan ida ne’e iha mudansa, tanba iha ona tenda ba konvidadus nomos estudante sira”, dehan Silvino
Nune nia parte, nafatin firme ho karakter patriotizmu no nasonalizmu liu husi partisipasaun hodi kontribui ba dezenvolvimentu ih Timor espesialmente iha Ainaro
“Agradese ba estadu Taimor Leste bele tau importánsia ba loron Proklamasaun Independensia ne’e, hanesan Timor oan atu hatudu ita nia patriotismu no Nasionálismu liu husi partisipasaun iha loron Nasionál 28 de Novembru ne’ebe mak ohin ita komemora ba dala hat nulu resin sia iha Ainaro“, nia Hakotu
Selebrasaun aniversariu proklamasaun Timor Leste independensia iha Ainaro lao ho diak tanba hetan siguransa másimu husi Polisia Nasionál Timor Leste no F-FDTL.
Jornalista : Sara Lewis/Irene
Editor : Lian Orluli
