Ainaro Lian Orluli— Komunidade munisípiu Ainaro selebra loron 12 novembru ho atividade misa no tau aifunan iha kruz boot.
Padre idefonso xavier iha omilia hateten: loron 12 novembru importante ba juventude sira tamba joven barak mak fakar ran ba rai ida ne’e hakarak rai ne’e ukun rasik aan
“ ohin loron ita selebra misa ida ne’e ho triste no kontenti, ita triste tanba iha tina loron 12 fula Nuvenbru tinan 1991, Joven barak maka luta no mate, iha simerio Santa Cruz ne’eb”e ita hanaran masakre santa cruz, agora ita kontenti husi sira nia luta no mate maka ita hetan ona independensia, tanba ne’e, tinan-tinan ita selbra nafatin hodi relembra hikas matebian sira ne’ebe”e iha momentu ne’eba luta ba rai ida ne’e”, katak padre idefonso xavier, iha nia homilia.
Iha fatin hanesan prezidente komisaun organizadora 12 novembru munisípiu Ainaro José de Araújo hateten selebrasaun loron 12 novembru iha Ainaro hodi relembra hikas akontesimentu pasadu masakre santa cruz 12 novembru 1991 iha Díli.
“ Hau hakrak ita valoriza loron ida ne’e no hakarak relembra fila fali iha tempu ne’ebá asaun sira ne’ebé maka jovetude sira halo hodi hetan independensia, tanba ne’e hanesan jovenude Ainaro oan, hakara ita hotu foi valór husi ejemplu ne’ebé hatudu iha momentu ne’ebá atu ita labele kria komflitu iha ita nia rai laran rasik”, Prezidente komisaun organizadora 12 novembru munisípiu Ainaro José de Araújo
Juventude mate restu Sabino de Araujo, husu ba joven sira atu banati tuir dalan mate restu sira nian ne’ebé mak sira nia luta no mate tan de’it hakarak rai nia ukun rasik aan, la’ós hanesan agora joven sira hemu lanu kria konflitu iha fatin- fatin.
“ Hau triste hare ba joven sira iha era ida agora kompara ho era ida uluk la hanesan no diferente do’ok tebes, tanba iha tempu ne’ebá joven sira unidade dune no la hare ba kor A no Kor B,tanba ne’e ohin loron ita hetan independensia”, Juventude mate restu Sabino de Araújo.
Enkuantu misa agrdesimentu ne’e hetan partisipasaun husi brigadeiro jeneral F-FDTL Cornelio Ximenes Maunana, deputadu Antonino Bianco, Estudante. Aktvidade misa no kari aifunan iha kruz boot ne’ebé Lokaliza iha Simiteriu Públiku Ainaro
Editor : Orluli news
