Ainaro Lain Orluli-12-08-2022- Komunidade Aldeia Poelau suku soro Ainaro la’o aiin ho distansia kilometru ida hodi kuru bee moos iha nugeltu nunee konsumu
Xefe Aldeia Poelau Rosário Da Costa hateten durante tinan rua nulu resin ona komunidade husi Aldeia Poelau suku soro postu administrativu Ainaro munisipiu Ainaro bainhira atu konsumu bee moos tenki hiit jergen la’o ain ho distansia kilo metru ida foin hetan bee moos
“durante iha tempu okupasaun indonesia to agora ami la hetan be mos, atu kuru be’e presija laoto to kilometru ida foin to iha be’e matan ne’ebe sei tradisional”. Dehan xefe aldeia poelau Rosário Da Costa
Alende ne’e Rosário Da Costa argumenta ekipa PNDS antes ne’e halo ona survei iha fatin bee matan maibé to’o agora seidauk iha rezultadu ruma
Iha fatin hanesan rejidente Leonia De Araújo senti triste tamba tinan barak kuru de’it bee moos iha bee matan ne’ebé dook tamba ne’e rejidente ne’e husu ba governu atu dada bee moos ba komunidade
“Husu ba governu dada netik be’e mos ba ami Aldei Poelau, tamba tinan barak ona ami sei nafatin la hetan be’e mos , no ami sei lao do’ok maka bele hetan be’e mos hodi konsumo” . katak Leonia De Araújo
Alende ne’e Diretór PNDS Munisipiu Ainaro Filomeno Seixas Pinto promete katak sei halo identifikasaun ba bee matan nune’e bele tau iha planu orsamentu antes dada bee moos ba komunidade
“tinan ida ne’e Ekipa PNDS sei dada be’e mos iha Suku soro Aldeia Poelau maibe ekipa sei ba Survei hodi edetifika diak lai hafoin bele halo instala”. Dehan Diretór pnds munisipiu Filomeno Seixas Pinto
Haree ba distansia ne’ebé dook husi bee matan bainhira tempu udan komunidade see udan been iha bidon hodi fase ropa no hariis
Enkuantu Total Aldeia Poelau ho total uma kain atus rua resin maibé husi númeru refere uma kain haat nulu mak durante ne’e kuru bee ne’ebé ho distansia dook no sae suvida
Editor: Lian Orluli
