Ainaro Lian Orluli—Komunidade Aldeia Boltama, ne’ebé akumula komunidade Aldeia Lailima, Kesa-mau no Sivíl ne’ebé partensia ba Suku Kassa Postu Ainaro munisípiu Ainaro konsumu be’e moris ne’ebé kontamina ho tahu mutin.
Abitante Maria Bianco ba jornalista Orluli sesta (9/1/22) feira ne’e relata tinan rua nulu resin ona (20) la asesu ba be’e moos ne’ebé kanaliza husi governu, tamba ne’e komunidade konsumu be’e moos ne’ebè merak ho tahu mutin. Abitante ne’e husu governu atu kanaliza be’e moos ba komunidade
“Durante ne’e ami konsumu det be’e ida ne’e, iha tempu dadaer be’e iha rai kuak ne’e nakonu foin maka ami mai kuru, maibe’e ami barak maka uja hotu be’e ida ne’e,” hateten abitante Maria Bianco
Abitante Francisco Leu- funan hateten, bainhira akontese udan ho intensidade ne’ebé makaas be’e moos iha rai kuak ne’e bele aumenta, maibé udan la ho intensidade afeta ba be’e moos iha rai kuak menus ba bebeik.
Tamba ne’e komunidade tenki la’o ain kilo metru ida resin ba kuru be’e moos iha be’e matan kassa hodi uza ba nesesidade
“ Durante tinan 20 resin ona ami la asesu be’e mos, desaraska ba ami maka bainhira atu uja sentina tenki halai ba dut laran,” atutan abitante Francisco Leu- funan
Xefe suku kassa Longuinhos de Araújo rekoñese komunidade sira konsumu de’it bee moris husi rai kuak
“Organijasaun Plan Internasional mai hare ona no sira maka atu dada be’e mos ne’e ba komunidade iha aldeia Boltama,” xefe suku kassa Longuinhos de Araújo
Jestor programa be’e no saneamentu plan internasionál José António da Silva hateten, Plan internasionál sei kanaliza be’e moos iha komunidade nune’e bele uza ba nesesidade
“planu plan nian iha tiaona plan atu dada be’e moos ba bairu ida ne’e planu ne’e moos tama tia ona iha sistema,” haktuir jestor programa be’e no sanemento Plan internacionàl José Antònio da Silva
Enkuantu total populasaun iha aldeia boltama 350 no xefe família 74 inklui komunidade aldeia lailima kesa-mau no aldeia sivíl
Editor : orluli news
