Ainaro Lian Orluli-8-09-2022- Populasaun Suku Bonuk Suku Leolima Postu Administrative Hato-Udo, Munisípiu Ainaro, Krize Eletrisidade No Estrada Hasusar Labarik Sira Atu Estuda No Difikulta Agrikultor Sira Lori Produtu Ba Merkadu Hato-Udo.
Populasaun Bonuk iha uma kain 250 kontinua moris iha nakukun laran, no Estrada ligasaun husi Hato-Udo-vila ba Bonuk kilu-metru 150 kondisaun grave tebes durante okupasaun Indonézia too ohin loron.
Ba jornalista orluli news, delegadu aldeia Hutsio suku Leolima, Albertino da Silva hateten durante ukun nan tinan rua nulu resin ona sira la goza, tanba fatin seluk mudansa ona, maibe sira nafatin la asesu ba estrada ho eletrisidade.
“Ami kona-ba estrada ami senti katak bele dehan ukun nan maibe ami dehan la ukun nan ho rajaun tanba ami ba ema nian fatin seluk iha mudansa maibe ami agora tinan rua nulu resin ona la asesu ba estrada ,total populasaun ne’ebé mak hela iha ne’e hamutuk 250 kk,Munisipiu Ainaro ne’e potensial liu ba agrikultor mak Bonuk nusa mak estadu labele tau matan ba estrada ne’e, tanba husi nasional dehan area potensial mak bonuk maibe estrada grave tebes kuandu udan bot labele liu ba mai,” katak Albertino.
Hateten tan ba jornalista Lian orluli,delegadu aldeia Hutsio suku Leolima area bonuk kona-ba eletrisidade too agora seidauk tama.
“Tanba sá mak ami durante ne’e la hetan listrik? No ami ne’e povu munisipiu ainaro nian ka lae? Tanbá fatin seluk ahi lakan ami to agora rua nulu resin ona ahi la lakan,kona ba informasaun ami menus tanba ami la asesu ba eletrisidade,husu ba estadu tenki hari mos eletrisidade iha fatin sira ne’bé presija asesu ba informasaun,” Hateten Delegadu aldeia Hutsio suku Leolima Albertino da Silva ba jornalista orluli iha nia knua fatin.
Alende ne’e abitante Manuel dos Santos afirma katak bainhira iha tempu kalan uza de’it solar paniel hodi bele fó roman ba uma-laran.
“Bainhira iha tempu kalan ami uza de’it solar paniel hodi bele fó roman ba uma-laran,tanba ne’e husu ba governu atu tau konsiderasaun nune’e bele tau iha orsamentu tinan 2023.Iha area Bonuk mos ami komunidade mos la asesu ba lina komunikasaun telefoni tanba la iha lina telekom/telemor inklui telekomsel”. Katak abitante Manuel dos Santos
Observasaun jornalista Lian orluli nota iha terenu komunidade 250, la asesu ba estrada iha area Bonuk kilo-metru 150 no kondisaun grave tebes nune’e mos eletrisidade ate agora la lakan, komunidade balun utiliza solar sel, no balun uza lakan tradisional iha tempu kalan hodi haroman labarik sira estuda.
Editor : Lian Orluli
