Ainaro Lian Orluli-15-09-22-Komunidade Aldeia leo-telo I no leotelo II laiha klinika ruma hodi fó asistensia saúde ba sira bainhira sofre moras ruma ka atu partus
Ba jornalista lian orluli, kinta feira ne’e (5-09-22) Xefe Aldeia leotelo II Alçino de Araújo justifika katak, komunidade Aldeia leo-telo ida no leo-telo II bainhira hetan moras ruma no isin rua atu partu tenki ba too sentru saúde Ainaro no ba postu saúde hautio suku Mulo postu administrativu Hato-builico, ne’ebé ho distansia husi leo-telo ba postu saúde Hautio kuaze kilometru sanulu
Tamba iha Aldeia leo-telo I no leo-telo II durante ne’e laiha klinika ruma hodi fó asistensia saúde ba komunidade ne’ebé hetan moras no fatin ba inan sira hodi partu
Tamba ne’e Autoridade aldeia leo-telo II Alçino de Araújo husu ba governu atu harí netik klínika ruma iha leo-telo hodi atende komunidade ne’ebé moras
“Hanesan Autoridade komunitario husu ba governu atu harí netik klínika ruma iha Leo-telo hodi atende komunidade ne’ebé moras ka baihira atu partus”. Katak xefe aldeia leotelo rua Alçino de Araújo
Alende ne’e abitante Júlio Manuel hatutan,” durante ekipa husi saúde ba fó tratamentu saúde ba komunidade maibé fulan ida dala ida, iha edifisiu PNDS iha Leo-telu suku Mausiga postu administrativu Hato-builico Munisipiu Ainaro”. Katak Abitante Júlio ba jornalista
Enkuantu komunidade aldeia Leo-telo I ho total populsaun 119 no aldeia Leo-telo II ho total 103.
Editor : Lian Orluli
