Lian Orluli – Anzelica Pereira hatete, komunidade rejidente neebe besik mota Quiar Bonuk durante tinan ba tinan la senti seguru husi mota refere no kauza inundasaun raihenek tama to altar kapela no edifisiu eskola neebe besik inklui uma komunidade
“Ami senti triste tebes tanba ami nia kapela Bonuk ida ne’e raihenek nakonu to iha altar oin deit ona i nomos ami nia Eskola EBC bonuk ida ne’e mos hanesan,kuandu inundiasaun udan bo’ot mota ida ne’e sempre tama mai hela deit ami komunidade husi parte bonuk ida ne’e husu ba ita nia Nai Ulun sira bele tau matan hela ba mota ida ne’e ou tun direitamente mai hodi tau netik Bronjon ruma iha mota ninin ne’e atu bele Salva netik Ami komunidade sira husi parte bonuk ida ne’e akontesimetu ida laos foin lalais ne’e lae kada tinan2 mota sempre tama hela deit mai ami iha parte ida ne’e, tuir Komunidade sira iha Bonuk la senti benefisiu husi ukun aan tanba governu la hakbesik dezenvolvimentu liu-liu infrastrutura bazika, inklui mota fo risku rejidente komunidade,plantasaun, fatin ba liturjia, inklui fatin ba aprendisajen la seguru husi mota”, 01/07/2024.
Tuir Alberto da Silva komunidade rejidente hatete, husi parte balu tun direta haree ona maibe seidauk iha resposta, maske nunee komunidade sira kontinua husu governu labele taka matan tau atensaun bele normaliza mota dalan atu labele fo impaktu ba komunidade
“Ami nu’udar komunidade iha parte bonuk ida ne’e hakarak husu ba governu liu-liu mak ami nia mota ida ne’e ho tempu badak tenki tun mai normaliza sira husi Munisipiu Ainaro mai hare hela to’o agora rezultado ida laiha, ami husi komunidade parte bonuk ita bele koalia kasar katak ami seidauk senti ukun an’n, tamba agora tinan 2024 ona ahi eletricidade mos laiha dezenvolvimentu ida tama iha parte bonuk ida ne’e mota kiar ain ne’e fo ameasadu ba komunidade sira no kapela natar inklui Lagoa Bekuntidi, karik ita la halo buat ruma salta netik lagoa Bekuntidi rai sei taka tomak lagoa Bekuntidi ita bele dehan iha Munisipiu ainaro lago koinesido ne’e mak Bekuntidi, agora mota tama estraga hotu sasan sira ne’e oinsa ho nai ulun sira bele tau atensaun ba iha Lagoa Bekuntidi karik la tau atensaun ba neneik nia sei lakon tia tamba udan rai taka tomak tia Lagoa Bekuntidi”, dehan Komunidade Albertino ba Lian Orlli iha fatin
Hatan ba preokupasaun komunidade nian, Administrator Postu Administrativo Hatu-udo Cegres Jelino Paula José Da Costa Tilman, haktuir, nia parte hato’o ona pedidu ba relevante maibe la iha resposta ruma no nia kontinua tenta atu bele fo solusain ba preokupasaun hirak nee
“lo’os duni Komunidade sira iha parte bonuk ne’e kada tinan sira sempre hetan ameasadu ou risku dezastre husi mota kiar ain sempre sobu kapela Bonuk no Eskola EBC Bonuk inklui komunidade sira ne’ebe mak hela iha areadores sira ne’e, Lagoa Bekuntidi kada tinan komunidade sira mak ba loke ou taka wainhira kuandu mota tama ona Lagoa Bekuntidi la tuir nia fatin ona hau hanesan Autoridade lori programa ba IGE atu mai normaliza hau tenta hela deit ba iha sira nia edifício dala tolu ate agora seidauk responde ba ida ne’e, hanesan Autoridade IGE ba ida ne’e pedido tama ona komesa fulan marco ate agora seidauk responde ita antesipa udan bailoron ne’e labele akontese, ita nia IGE la fo atensaun verbalmente hau hasoru Prezidente IGE mos hau hasoru mais ate adata seidauk normaliza, oin ami mai iha fatin terenu Bonuk, ida kareta mai la diak ami lao ain to mai iha fatin ida ne’e siginfika katak area ida ne’e risku duni tanba kareta mos labele liu, tamba afeta husi mota, husu ba IGE ida ne’e ita bo’ot sira hare karik tenki foti asaun ruma atu nunee komunidade sira labele hetan risku husi mota ida ne’e”, Dehan Adm Postu Hato-udu ne’e
Entretantu Timor Leste independesnsia tinan ruanulu resin ona maibe komunidade iha baze la senti benefisiu husi ukun aan tanba la asesu ba prosesu dezenvolvimentu integradu sira
Jornalista : Pedrolina Da Costa
Editor : Lian Orluli
