Ainaro Lian Orluli 25-09-2022- Tinan 20 resin Timor leste goja independensia ho Demokrasia no liberdade, dezemvolvimentu kuaze lao ona maibe’e iha baze povu sedauk senti.
Ho dejemvolvimentu ne’ebé la to’o ba iha baze komunidade suku Mau-nuno sempre halerik bebeik ba estrda, ponte no bee moos.
Nune’e Comunidade ida husi suku Mau-nuno Aldeia Mausuka, Angelina Martins hateten Timor leste independensia halo tina 20 ona maibe’e povu ain tanan la goja tanba sei hela iha sofrementu, la asesu Estrada, Ponte no Bee mós.
“ Ami kolen ona hakilar no halerik bebeik, nai ulun sira mak mai promesa ba mai, realidade nebe’e ami infrenta maka nafatin lao iha estrada ne’ebé kondisaun grave lo’os no laiha ponte, bainhira atu lori ami nia produtu sira ba fan iha merkadu tenki hakúr mota bo’ot, alende estrada iha problema ba bee mos, baihira iha tempu bailoron naruk bee menus no fahe la to’o, tanba ne’e durante iha tempu bailoron ami konsumu deit bee mota, ho problem sira hanesan ne’e hau hateten katak goja iha independesia lao ho dezemvolvimetu laos ba ami iha area rural, iha kapital no ba naiulun sira maka goja.” dehan Angelina Martins ba jornalista orluli iha nia knua Musuka suku Maununo.
Alende ne’e joven ida ho naran Joana Xavier informa tan durante ne’e konsumo deit bee ne’ebé sira ke’e rasik husi ra’i hun ne’ebé sukat la to’o metru ida iha mota ibun, kuando iha tempu udan bee moris maibe’e tempu bailoron bee maran sira konsumu deit bee mota.
“Bee ne’ebé ami konsumu husi rai koak nebe’e ami rasik kee, kuando iha tempu bailoro be’e ne’e maran tia ami tenki uza fai bee mota hodi konsumu”. Hatutan Joana Xavier
Relasiona ho problema ne’ebé komunidade infreta jornalista Orluli News konfirma kedas ba autoridade masimu iha suku Maununo xefi Suku valenti Ramos Bianco rekoñese bee mos ne’ebé liga ba komunidade suku Maonuno iha tempu bailoro sempre menus, tanba sedauk hetan reahbilitasaun, tamba ne’e povu sira sempre infrenta problema bee mós iha tempu bailon, maibe’e tau ona iha planu tuir nia informa PNDS maka sei halo tenderijasaun ba kompania lokal sira baihira kompania sira submete ona, bele halo rehabilitasaun ba bee moss suku Mau-nuno iha tina 2023.
“Bee mos iha maibe’e kleur ona tanba ne’e presija atu rehabilita fali, tamba ne’e tuir planu ami hatama ona ba iha PNDS no ita hein PNDS mai implementa tuir prosesu ne’ebé maka iha sei loke tenderijasaun ba kompania lokal sira bainhira kompania nebe’e maka liu iha tenderijasaun ne’e hodi halo rehabilitasaun hodi liga bee ba komunidade sira”. xefe suku Mau-nuno Valente, hakotuh
Enkuantu tuir dadus populasun ne’ebe xefi suku relata husi dadus distribuisaun sesta bajika tinan 2021 nian total populasaun 1892 kompostu husi Aldei 3 Mamelau, Aileu no Mausuka.
Editor : Orluli News
