Lian Orluli– Komunidade Suku Mau-Nunu Lamenta ho Konstrusaun Estrada husi PNDS, Laiha Kualidade, Rekomenda ba PNDS atu konstrui estrada ho kualidade tamba orsamentu ne’e povu nian tenke benefisiu ba povu
Abitante suku Mau-nunu, Felis de Araújo Atual Lia nain suku Mau-nuno, lamenta ho estrada ne’ebe cor ho distansia metro atus rua ona,husi ekipa tekniku la ba observa la halo kontrola, tamba ne’e la iha kualidade, fatuk ne’ebe hodi cor estrada la hada ho diak no soe deit.
“Projetu PNDS nian ne’ebe dau-daun cor hela estrada ne’e laiha kualidade, tamba la tau massa simentu dauluk husi okos hafoin tau fatuk ba, nomos tau fatuk uja iha estrda ne’e mesak bobot deit, I la hada didiak, sira soe halo namkari deit , ami presija cor estrada ne’e ho kualidade uituan, atu nune ami uza bele to tinan naruk, fatuk ne’e soe deit depois massa simenti la nahe husi okos hafoin tau fatuk ba, ne’e la oras naksobu ona, ida tan durante hala’o estrada no serbisu, ekipa husi PNDS nunka mai halo observasaun tamba ne’e, ami konsidera estrada ne’ebe cor la iha kualidade. Husu ba PNDS orsamentu ne’ebe lori cor estrada ne’e osan ba povu nian hodi halo dejemvolvimentu ba povu ne’e halo ho kualidade atu nune’e bele uja to tinan naruk”, dehan Abitante Felis de Araújo
Iha fatin hanesan xefe suku Mau-nunu Valente Ramos Bianco hatutan, Projetu PNDS cor ho distansia mais ou metros 400, ekipa tekniku presija observa bebeik iha terenu nune’e bele kontrola masimu, no trabalhdor sira serbisu hos seriu, nune’e mos kontrola ho kompania ne’ebé fornese material fabrika no material lokal sira labele atraza.
“Projetu ne’e distansia mais ou menus iha metru 400, ne’ebe cor seidauk remata, tamba kompania ne’ebe fornese matereal, fabrika ho matreal lokal atraja, hodi difikulta ema sira ne’ebe serbisu iha terenu. matreal sira hanesan sementi kompania fornesedor sira maka hatama atraja duni, tamba ne’e trabalador sira ne’ebe serbisu tarde,trabalhador sira laos duni osan, sira hakarak dalan ne’e diak no kualidade”, dehan Lideransa komunitariu ne’e
Kordenador PNDS postu Ainaro Julião Borges Magno klarifika, konstrusaun estrada cor botaun iha Mau-nunu tuir mata dalan PNDS nian katak orsamentu la sufisente, ho deit dollar rihun rua nulu resin tolu, tamba ne’e tuir sistema ka matadalan, cor rabat botaun hada fatuk hafoin nahe ho masa ka sementi iha leten.
“Estrada ne’ebe cor tuir duni matan dalan PNDS nian, presija hada fatuk uluk hafoin semente ou rai henek ba, hare ba orsamento ne’ebe hodi cor estrada ne’e, kiik la suficiente, osan ho deit dolar rihun rua nulu resin tolu , tamba ne’e mak sistema cor rabat botaun ne’e ami hadada fatuk hafoin tau masa sira hanesan semente no rai henek ba iha leten” dehan Kordenador PNDS Postu Ainaro
Enkuantu konstrusaun estrada ho sistema cor rabat botaun núdar projetu siklu da hitu implementa iha suku Mau-nunu hahú iha semana kotuk no dadaun ne’e atinji ona puresentus lima nulu resin.
Jonalista : JN/Irene Tael
Editor : Clementina Fatima
