Ainaro lian orluli 01-10-2022- xefi Suku Suro-Craik Ronaldo Soares informa komunidade aldeia No-ulo, Ria-mori, Ailau inklui aldeia Bazar senti triste tebes ba kondisaun estrada Ainaro Villa liga ba suku Suro-craik grave tebes,
“komunidade iha suku suro-craik senti triste tebes ho kondisaun estrada,tamba wainhira iha tempu udan estrada nia kondisaun aumentu a’at , difikulta kareta no motor atu halo movimentu iha suku suro-craik, tamba ne’e komunidade sira labele lori sira nia setor agrikultura ba fa’an iha merkadu , total komunidade ne’ebe mak hela iha suku suro-craik 2000, uma-kain hamotuk 541,tamba suro-craik potensial maka setor agrikultura“.dehan xefe do suku suro-craik ba jornalista orluli news iha fatin suku suro-craik segunda feira (26-09-2022)
Xefe do suku Suro-craik Ronaldo Soares husu ba Governu atu tau matan ba Estrada suku Suro-craik ho nia kilometru 20 hahu husi aldeia No-ulo to’o posto administrativo Hato-udo, nune’e bele fasilita diak liu tan transporte no komunidade sira atu lori sira nia setór agrikultura ba fa’an iha merkadu
Enquantu suku Suro-craik komposto husi aldeia No-ulo,Ria-mori ,Ailau inklui aldeia Bazar ho total populasaun 2000, uma-kain 541.
Jornalista :sarah lewis
Editor: orluli news
