Lian Orluli– Atual Xefe Suku Mau-Ulo Luís Valadares Colaco deklara sei kontinua kandidata a’an hodi lidera komunidade Mau-Ulo iha tinan ne’e atu bele dezelvolve no servi povu la hare ba kor polítiku maibe depende povo nia konfiansa
“Tinan ida ne’e hau sei kandidata a’an nafatin maibe depende ba povo karik povo hili nafatin prontu atu bele servi ba povu no servi ba rai suku Mau-Ulo, tanba hau hare’e ema barak mak sai hanesan xefe suku uza sira nia partikular mak barak no kahur fali problema partikular, sai hanesan lideransa suku ita tenke servi ba povu jeral la hare ba kor no familia, hanesan xefe suku atu servi povu no servi rai ida ne’e hadia povo nia moris dezenvolve ita nia suku rasik” dehan ba jornalista xefe suku Mau-Ulo
“Hau nia mandatu hau la halo buat barak maibe halo sasan kikoan deit tuir hau nia kbi’it no forsa, iha VIII governu ita hare’e ba dezenvolvimentu infraestrutura nian, iha programa kikoan husi programa PNDS nian mak halo buat barak, primeiru hau iha inisiativa rasik, harii bandeira rin, orsamentu husi PNDS total 9600 uza orsamentu ida ne’e hodi loke tan sede suku, aumenta tan (estende) 12×8, sosa kadeira, halo harís fatin, dapur, iha sede suku wainhira halo atividade ita labele uza tan komunidade nia uma, hadia tan estrada, rehabilita eskola EBF iha suku Mau-Ulo, ami enkontru halo ritual atu aumenta tan sala tolu3 iha suku Mau-Ulo no Aldeia Hatu-Lelo”. lideransa ne’e klarifika
“Uluk iha tinan 2010 hau hanesan apoiu suku, hau kandida a’an ba xefe suku iha 2016 karik iha loron 28 agora iha eleisaun mak hau la pasa, hau nafatin servisu hamutuk ho maluk ne’ebe mak eleitu, karik nia hetan konfiansa husi povo hau nafatin kopera ho nia fo hanoin ba malu atu nune’e bele hadia Suku Mau-Ulo iha Aldeia Hatu-Lelo, hau nafatin kontribui kualker saida deit” reprezentante povu ne’e fundamentan
Lideransa suku ne’e afirma nafatin iha esperansa atu lidera iha suku depende desizaun husi komunidade Mau-Ulo hodi halo kontinuasaun kulker atividade sei kopera nafatin tanba demokrasia liberdade ba ema hotu ne’ebe ejiste iha komunidade iha direitu hanesan atu bele kompete iha eleisaun tuir mai maibe seidauk iha serteza ruma sei iha prosesu tuir data determinasaun
“Hau hakarak halo kontinuasaun tan saida mak sei falta iha suku Mau-Ulo hau labele temi ida ba ida maibe ita kuandu koalia aban bainrua mak ita la halo, ne’e ita bele dehan lakon konfiansa husi ita nia povo sira, ba hau saida mak hau halo tia ona karik hau sai manan nain sei nafatin halo kontinuasaun ba saida mak sei falta iha suku ida ne’e, kandidatu iha suku Mau-Ulo ne’e ita sedauk hatene klaru tanba iha loron 13 fulan Outubro mak ita foin hatene klaru, maibe ba hau ema barak diak liu tan tanba demokrasia ne’e livre ba ema hotu maibe laos husi suku ida mak ba fali suku ida husi suku ne’e nia oan kualker se deit, sidadaun se deit, tantu feto mane kiik ou bo’ot iha direitu para bele kompete a’an kualker iha servisu ruma”. Xefe ne kasu ba lian Orluli
“Hau nia rekomendasaun mak ne’e, karik xefe suku ne’ebe mak eleitu ne’e husu ba iha governu para bele tau atensaun tanba suku barak mak ita hare iha kapital ne’e mak kada tinan ne’e iha mudansa maibe iha area rurais sira dala barak ema ladun tau matan ba suku, karik iha IX governu kualker se deit mak eleitu ba xefe suku husu ba guvernu para bele tau atensaun tanba barak mak halo diskriminasaun deit“. Nia hakotu lia ne ba Lian Orluli quinta ne’e 29/09.
antes ne’e mos xefe suku Mau-Nuno Valente Ramos Bianco deklara maske lakoi kontinua rekandidatu ba xefe suku maibe depende ba desizaun husi komunidade nian hare’e ba realidade servisu durante mandatu
Eleisaun suku sei akontese iha loron 28 fulan Outubro tinan 2023 ne’e iha territoriu Timor laran inklui Munisipio Ainaro.
ETJ:Hanya/Eljy
Editor: Lian Orluli
