Lian Orluli— Prezidente Autoridade Munisípiu Ainaro Manuela Georgina Carmo Bucar Corte-Real hato’o preokupasaun ne’e iha forum enkontru konsellu munisipal ba aprezentasaun relatóriu ezekusaun PAA, inklui aprezentaun ezbosu tarabandu
Autoridade Másimu hateten ahi mate lakon fo impaktu ba Munisipiu liu-liu iha eventu nasinál sira, alende ne’e nia mós husu ezekutor sira atu hato’o atinjimentu ezekusaun orsamentu no obstaklu sira nune’e bele hadia iha futuru
“Ita ko’alia kona-ba ezekusaun durante 2024, no mós progresu ezekusaun Orsamentu hahú fulan Janeiru to’o Dezembro, atinji ona pursentu hira, no saida mak sai Obstaklu ba Ezekusaun Orsamentu, nune’e ita bele hadia iha 2025. Nune’e mós husu ba delegasaun teritorial liu-liu ba iha EDTL.EP, atu tau konsiderasaun ba eletrisidade tanba iha serimónia nasionál sira sempre akontese problema mak ahi mate ida ne’e fó impaktu boot ida mai iha Munisípiu, ba responsabilidade Webste, Portal Munisípiu Ainaro, tanba durante ne’e la hatun informasaun no mós atividade sira ne’ebé mak implementa husi diresaun servisu Munisípal, Administrativu postu administrativu, inklui mós sefe suku sira, maibe informasaun ne’ebé mak durante ne’e hatun iha pájina PAM nian la ofisiál, tanba atividade sira ne’e hotu presija hatun iha Portal Munisípiu nune’e ema hotu bele asesu nune’e mós halo promove, no iha fin do anu ita presija halo Relatóriu ba kámara das kontas ba Ministeriu Finansas, Ministeriu Estatal, Primeiru Ministru, no relatoriu ida ne’e lá’os ba de’it Diretores Servisu Munisípal maibé Delegasaun Teritorial inklui mós Servisu Munisípal ne’ebé mak iha Munisípiu Ainaro”.dehan Lideransa Masimu Munisípiu Ainaro
Alende ne’e Autoridade ne’e mos haktuir, nia parte, durante ne’e observa, sempre akontese konflitu laos tanba AM no AR maibe mak la iha konsiensia hodi mosu konflitu, diak liu tenki hato’e ba tribunál
“Tara bandu ita hare katak, iha Ainaru sempre akontese hela de’it konflitu, tanba ita kuandu tur iha uma lisan ida ita hala’o tuir hahalok kultura, respeita malu hadomi malu hanesan salva guarda no promove, maibé akontese hela de’it konflitu ne’e lá’os tama arte marsial no ritual, ne’e ema ida idak mak la iha konsiensia tanba ne’e ita tenki ba to’o iha tribunal, atu nune’e ita labele uza lei formál ida ne’ebé mak tenki ba resposta too iha tribunal. Tanba anteriormente ita uza meius ne’ebé mak vizavon sira nian maibé la akontese Konflitu oinsá mak ita atu promove fali hodi uza iha tempu ida agora ne’e, tanba tarabandu ne’e mós iha nia sansaun rasik atu hanorin ita utrapassa hahalok ida ne’ebé mak kria konflitu ida ne’ebé mak bele afeita ba ema barak mós hola parte hotu, liu husi tarabandu ne’e bele fó hanoin ita kona-ba dezenvolvimentu Munisipiu Ainaro”, nia Hakotu.
Iha atividade enkontru konsellu munisipal no aprezentasaun relatóriu ezekusaun PAA ne’e partisipa husi Administrador postu haat iha Ainaro, kargu dirijente sira, delegasaun teritorial sira
Jornalista: Sara Lewis
Editor: Lian Orluli
