Lian Orluli—Tuir informasaun ne’ebe jornalista lian orluli asesu, kazu konfrontu asaltu malu ne’ebé akontese iha Leotelo Mauchiga Ainaro iha loron 28 fulan Dezembru foin lalais ne’e tanba kauza husi joven sira sunu fugete lansa ba malu entre prezepiu rua ne’ebé ho distánsia la do’ok malu pelu-menus 100M parte leten no kraik nune’e hamosu kedas dezintendimentu entre joven sira, no iha akontesimentu ne’e kedas joven balu tenta atu normaliza situasaun hodi labele mosu problema maibe joven balu la simu desizaun ne’e hodi lansa kedas atake hasoru, nune’e mos membru suku ida tenta atu rezolve dezintendementu ne’e lakonsege, membru ne’e mos hetan kedas pankada husi parte ulun hetan kanek
Tuir Xefe suku Mauchiga Abrão de Araújo esplika, iha akontesimentu ne’e parte seguransa to’o kedas iha fatin no nia parte akompaiña suspeitu no vítima sira ba komandu Ainaro hodi rezolve maibe parte vítima sira la simu desizaun ne’e harakar prosesu tuir lei tanba kazu ne’e iha ona lei nain sira nia liman
” Iha momentu akontese konfrontu ne’e parte segurasa OPS no PNTL sira to kedas iha fatin, horseik hau kontinua akompaña familia husi vitíma no suspeitu nian mai Komandu PNTL hodi aprosima sira bele simu malu rejolve nudár familia nian tanba sira ne’e mesak familia uma laran maibe husi parte ne’ebe kanek la konkorda ona sei prosesu tuir leí haruka, tanba Kazu ne’e iha ona parte sigurasa nia liman, husi vitíma sira balu kanek ne’e deskonfia hetan tá ne’e lalos, tuir informasaun ne’ebe haktuir husi membru konsellu suku balu, wainhira nia ba atu atua situasau ne’e nía mos hetan kedas pankada iha ulun kanek no ran,” nía haktuir
Liga ho konfrontu ne’e jornalista lian orluli konfirma kedas ho autoridade PNTL Ainaro liu husi komandante investigasaun kriminal sarjentu xefi Armindo do Rosário esplika, tuir kronólojia husi kazu konfrontu asaltu malu ne’e mosu tanba kauza husi joven sira sunu fugete lansa ba malu hahu iha 24 kalan sai misa nune’e iha 28 ne’e la simu malu no mosu kedas asltu malu ne’e
“Kazu ne’e hahu husi 24 kalan bainhira sai husi misa parte husi prizepiu karaik sunu petasan ba fali joven sira husi prizepiu ida leten mosu lamentasaun tanba balu tuda fali, nune’e sira parte leten mos sunu petasan hodi responde fali petasan ba sira ne’ebe husi karaik, nune’e hodi mosu lamentasaun sira provoka malu hamosu kedas problema iha kalan ne’e, maibe la konsege, husi akontesementu ne’e parte balu tenta atu komunika ba malu hodi solusiona tia problmea ne’e nudar familia no tenta kedas iha Loron 25-27 la konsege, iha dia 28 kalan mediador husi parte leten nian koko buka solusaun maibe husi parte karaik nian iha ida maka simu no lian makas nune’e parte leten responde kedas ho tuku ba parte ida karaik nian, husi ne’e mosu kedas Konfrontu asaltu malu,” Haktuir Komandante Investigasaun kriminál Munisipu Ainaro Sarjentu Xefe Armindo do Rosário ba jornalista lian orluli iha nia kna’ar fatin komandu Ainaro sabadu fim de semane ne’e 30/12/23.
Husi kazu ne’e PNTL Ainaro foti ona daduz vítma no suspeitu hodi submete ba prosesu tuir lei tanba parte rua sasin husi vítima la simu desizaun rezolve tuir familia
” Ita rejistu ona vítima nain 4 no suspeitu nain 8, husi vítima nain haat ne’e iha ida rejista hanesan suspeitu, husi problema ne’e ita entrenga ona halo dialogu hodi dame malú maibe iha sasín nain rúa parte vítima nian lakohi simu no hakarak proseu kuntinua”, Nia hakotu
Husi akontesimentu ne’e PNTL liu husi seksaun Invetigasaun kriminal Ainaro rejista vítima nain 4 suspeitu nain 8 ho inisial ABS, APS, ADAS, JDS, GS, ADSS, VRS, JS, no dau-daun ne’e suspeitu sira iha ona sela PNTL Ainaro
Enkuantu Kazu refere rejista ho númeru NUC 0014/23.ANHTB
Jornalista : Juneya
Editor : Lian Orluli
