Lian Orluli (10/04/2025)- Ministériu Petroleo Rekursu Minerais (MPRM) Franscisco Monteiro hamutuk ho ekipa Relevante sensibiliza projetu auto-estrada Zumalai to’o Natarbora hanesan kontinuasaun projetu Tasi mane Suplay Base ba Futuru Timor-Leste
Sensibilizasaun ne’e realiza iha Postu Administrativu Hato-Udo Kinta ne’e hodi konsulta hanoin hodi diskuti kona ba projetu auto-estrada Zumalai liga ba Natarbora ba futuro dezenvolvimentu Suplay Base Tasi Mane
Governante ne’e hateten, Projetu Auto-Estrada ne’e kontinuasaun husi Suplay Base ho nia intensaun atu sai hanesan baze apoiu ba Industria petrolífero.
“Iha Suai Suplay Base nia sei lori sai tama sasán ne’ebé produs iha Timor no tenki lori ba iha fatin bo’ot indústria petrolífero iha Natarbora, husi Suai ba Natarbora ita presiza Auto-Estrada nune’e bele lori ekipamentus sira, ida ne’e mak importante tebes husi Auto-Estrada ne’e, no governu halo ona seksaun primeira iha tinan 2025, husi Suai mai Zumalain, ho nune’e IX governu halo kontinuasaun ba to’o Natarbora“, Ministru MPRM hato’o Intervensaun ne’e Sosializasaun, Projeito Auto-Estrada, iha Postu Administrativu Hato-Udo Kinta ne’e (10/04/2025).
Alende ne’e Ministru MPIE Gastao Sousa Subliña Projeito Auto-Estrada no suply base Tasi mane ne’e importante tebes ba futuru Timor-Leste nian
“Projeito Auto-Estrada no Tasi mane ne’e lá’os ba de’it Suai ho Natarbora, maibé ba Futuru Timor-Leste, husi ida ne’e mak sei fó retornu di’ak atu ita labele sai estadu failadu maibé ita tenki sai estadu ida ne’ebé hatur ona iha Planu estratéjiku Dezenvolvimentu Nasionál (PEDN)“
Ligadu ho sesibilizasaun ne’e Prezidente Autoridade Munisípio Ainaro Agradese ba Governu, tanba bele lori hakbesik ona Dezenvolvimentu
“Agradese tanba governu sentrál lori ona Dezenvolvimentu mai ami haksolok tebes hodi simu, tanba durante ne’e ami hamrok hela ba Dezenvolvimentu, Projeito ne’e liu husi Postu Hato-Udo, ami nafatin kopera no aseita“, PAM Agradese
Enkuantu Sosializasaun ne’e hala’o iha Postu Administrativu Hato-Udo Munisípio Ainaro to’o remata
Jornalista:Sara Lewis
Editor :Lian Orluli.
