Lian Orluli- – Reprejentante Prezidente Autoridade Munisípiu Ainaro, Fernao de Araújo, servisu apoiu tékniku PAM realiza enkontru koordenasaun servisu ho Reprezentante KRAM Nasionál Komisáriu Augusto de Araújo, Prezidente Sub-KRAM Munisípiu Ainaro Marcelino Mendonca, inklui Ministeriu Edukasaun
Komisariu KRAM Augusto de Araújo Hatete, liu husi enkontru ne’e atu halo kordenasaun servisu no atividade arte marsiais tuir revolusaun governu numeru 45/2005, ne’ebé fo suspensaun ba atividade arte marsiais no arte rituais, no revolusaun governu númeru 17/2024 ne’ebé sei termina iha loron 10 Novembru 2024, Bandu atividade ilizita kontra ultrapasa fronteira ba hasa’e lasu inklui uza atributu la’o iha dalan públiku no treiñu subar.
” Objetivu koordenasaun servisu no mós atualiza pontu rua ne’ebé inportante maka sei limita atividade arte marsias. Primeiru, tuir revolusaun governu númeru, 45/2005 ne’ebe fó suspensaun ba atividade arte marsias no ritual mak hanesan KORKA,PSHT,IKS,no 77, Segundu Rezolusaun governu númeru 17/2024, ne’ebe em vigor sei termina iha dia 10 de Novembru 2024, bandu atividade ilisita kontra ultra-passa fronteira ba sa’e Lasu , no mós uza atributu arte nian iha fatin públiku no trenu subar”, Komisariu Augusto de Araújo, dehan, 3/09/2024.
Komisariu KRAM ne mós dehan, sei halo preparativus depois de revolusaun governu númeru 17/2024, termina sei hare’e wainhira la mosu ona problema, entre Arte marsias maka husi governu rasik sei hola inisiativa hodi reativa fila fali atividade arte marsias.
“Sei halo preparativus depois de revolusaun governu númeru 17/2024, termina sei hare hodi tomak atensaun se wainhira la mosu ona problema, entre Arte marsias, maka husi governu rasik sei hola inisiativa hodi reativa fila fali atividade arte marsias, no loke kompetisaun hahú husi nivel ranting postu no nunisípiu, to’o Nasionál hodi hare’e kampionatu ne’ebé ho prestasaun di’ak sei haruka ba tuir kompetisaun iha nivel internasionál, no mós husi parte KRAM sei hare’e hamutuk kona-ba, Pinta iha parede, liuliu simbolu arte marsias, no ritual nian hodi apaga no hamos. iha atividade ne’e sei embaixa mós envolvimentu husi parte hotu, liuliu estrutura arte marsias, no ritual ne’ebé eziste iha Munisípiu Ainaro” dehan Komisariu Augusto ne’e.
Tanba ne’e rekomenda ba ministeriu Edukasaun fó atensaun ba estudante Finalista sira wainhira rona rezultadu ezame Nasionál labele Pinta farda ho marka simbolu arte marsias no Ritual, nune’e labele mosu problema no intendementu ruma.
Iha fatin hanesan Reprezentante Prezidente Autoridade Munisípiu Ainaro tékniku apoiu Gabinete PAM Fernao de Araújo husu atu KRAM hala’o levantamentu kona-ba dadus konkreitu ba membrus arte marsias iha Munisípiu Ainaro hodi kria enkontru ho autoridade Munisipál no seguransa hare’e liu ba situasaun estabilidade no páz iha Ainaro
” Husu ba Prezidente KRAM Munisípiu Ainaro atu halo lista Arte marsiais sira maka hanesan KORKA , PSHT , IKS no husu atu kria enkontru ho Autoridade Munisípiu Ainaro no autoridade seguransa PNTL, nune’e bele mantein estabilidade no páz iha Ainaro”, Fernando de Araújo hakotu.
Entertantu dadus ranting ne’ebé mak eziste iha Munisípiu Ainaro hamutuk 67 kompostu husi Postu Administrativu Hato-Udo, Hato-builico, Maubisse no Ainaro Rasik.
Jornalista: Sarah
Editor: Lian Orluli
