Lian orluli- 27/05/2022- Komisaun Regulador Arte Marsiais (KRAM) ho sub-KRAM munisípiu Ainaro, sesta feira ne’e hala’o abertura tara bandu ba Grupu Arte Marsial no Arte Rituais (GAM-AR) iha postu administrativu Hatu-Builiko Munisípiu Ainaro inklui halo juramentu hodi hametin estabilidade iha rai-laran.
Iha eventu tara bandu Prezidente Komisaun Regulador Arte Marsiais Timor Leste (KRAM), Octavio da Conceição esplika objetivu fundamentu husi eventu ne’e realiza atu KRAM bele divulga kriteria arte marsial no arte rituais hirak ne’ebé ezijte iha Timor Leste hodi la’o tui regras hodi kontribui ba dezenvolvimentu liu husi harii estabilidade no paz iha munisípiu.
‘’Komisuan reguladora Arte Marsiais nasional no Sub-KRAM Ainaro, organiza eventu komprimisiu dame malu nian nudar dalan ida atu re-interga hikas arte marsiais (3) ne’ebe maka governu taka no parte lei sira ne’ebe maka naran temi iha rezolusaun lei númeru 4/2020, ba sosiadade atu nune’e sira bele hala’o sira nia atividade treinu nian iha sira nia suku rasik,” afirma prezidente KRAM ne’e.
Prezidente KRAM ne’e mos husu organizasaun arte marsiais hotu atu bele kolabora nafatin ho entidade hotu no kopera PNTL inklui kolabora sub-KRAM hotu iha parte Timor Leste atu bele garante paz estabilidade iha rai-laran.” Hatutan octavio
Iha fatin hanesan, Koordenador arte ritual hitu-hitu (77), munisípiu Ainaro Orlando hatoo agradesimentu boot ba Sub-KRAM Ainaro bele organiza arte marsial no arte ritual hotu iha munisípiu hodi realiza eventu asaun dame ne’e la’o ho susesu.
‘’ Agradese tebes ho eventu ida ne’e KRAM bele organiza hodi halo ami hasoru malu fali hodi halo promesa ba malu no sei la akontese tan problema iha ami nia rai, no ba problem ne’ebé uluk ami liu ona agora hodi ba oin sei hala’o ho buat foun no ami sei konsidera malu nafatin hanesan inan no aman ida de’it” deklara Orlando.
Orlando mos husu ba joven arte marsial no arte ritual tomak iha munisípiu Ainaru atu husik ona problema pasadu hamutuk sai ema ida de’it hodi hametin paz no estabilidae iha Ainaru.
Kordenador Arte marsiais KORK postu Hato-Bulikom Vidal Ximenes hatoo mos nia agradesimentu ba KRAM bele organiza arte marsiais no rituais halo juramentu atu bele kria paz no estabilidade iha rai laran.
“Ami nafatin kumpri KRAM nia regra sira ne’ebe maka iha ona no relasiona mos ho ami nia moto katak “ se-se tama mai tama hotu mai, ami hamotuk hussar talin la koa no nears sei la fahe” ida ne’e maka ami kaer metin no apresia ho orgullu boot tanba ohin ami bele hamutuk iha fatin ne’e sei konsidera malu nafatin no promete ba futuru Ainaro sei hela ho situsaun dame no hakmatek,’’ Vidal promete.
Vida reafirma, dalan atu hametin pas no estabilidade iha munisípiu Ainaru ba dahuluk joven arte marsial ho ritual hotu tenke hametin fraternu iha ida-idak nia uma laran hafoin implementa iha sosiedade, agradese ba governu bele fo ona konfiansa atu KORK bele hala’o hikas atividade treinamentu iha munisípiu Ainaru inklui munisípiu 13 inklui Atauro.
Editor : Lian Orluli
