Lian Orluli — Maubisse-Xefi Suku Fatubessi ho ekipa hamutuk ho Autoridade relevante promove regulamentu tarabandu iha Suku Fatubessi Postu Administrativu Maubisse, sesta ne’e
Iha Atividade tarabandu ne’e Bonifaçio Pereira Mendonça, nia parte agradese ba ekipa servisu ne’ebé durante fulan tolu hamutuk halo preparasaun hamosu regulamentu tarabandu hodi halo mudansa ba futuru Fatubessi
“Iha fulan outobru xefe suku hamutuk ho membru komite, Ong Raebia, JICA no MAHARU, Konsellu Suku, halo servisu ho esperansa boot, sei lori ita hotu ba mudansa ida ne’ebe diak iha future Fatubessi nian, husu ba inan no aman sira labele tau hela mata-wen ba jerasaun sira, tenki tau wé-matan diak ba Fatubessi iha future’’, xefi suku lekar inspirasaun ne’e ba komunidade no autoridade relevante sira iha atividade tarabandu Suku Fatubessi Sesta ne’e.
Diretor Jeral Floresta, Manuel da Cruz apresia ho isiativa xefe suku ne’e tanba ho ekipa elabora planu hodi realize tara no bandu tuir kultura no kustume Fatubessi nian
‘’apresia no louva inisiativa xefe suku Fatubessi ne’ebé diferente ho suku sira seluk, bandu ida ne’e hahu ho missa agradesementu, hodi prega ita nia fé ho maromak nia liafuan, ita boot sira tur hamituk ideia ida deit kona-ba tara bandu, ba iha floresta, biodiversidade, tanba rekursu naturais ne’ebé ita iha bele sustentabilidade ba ita nia alin sira nia futura, ita degradasaun kada tinan,1.7 tinan ida, ailaran sira 8.20.000.00 teritoriu timor, 14 rihun, tinan-tinan, mohu bei-beik, ita atu sai saida? hela iha fatin ne’ebé ita labele hatene, tempu ida ita halo buat ida natureza mos bele julga ita, Udan bele boot, udan bele la mai, tanba ho situasaun sira ne’e maka ita destaka guarda floresta sira kada suku, komunidade sira atu kumpri tuir lei no regras tarabandu ne’ebé mak ohin ita hotu sai sasin hodi oho karau signifika, tara no bandu ona iha suku Fatubessi.’’ dehan DJ ne’e iha nia intervesaun hafoin tarabandu iha suku Fatubessi, postu administrativu Maubisse.
Iha biban ne’e Presidente Autoridade Munisípio Ainaro Manuela Georgina Carmo Bucar Corte-Real husu ato halo tuir regulamentu, tanba tarabandu ne’e ideia husi inan aman sira.
“ furak tebe-tebes ita hahú no promove buat pozitivu ne’ebé antes ne’e ita iha konstume sira balun diak no balun la diak ne’e ita reduz, ohin tarabandu ne’e asinatura no hetan bensa husi amu paroquia Maubisse, ita tenki halo tuir, Alin sira, ohin hato’o poejia ne’e, refleta sira nia a’an ba futuru, se inan aman sira sunu rai tesi ai-arbiru konsikuensia ne’e ba ita nia oan sira tanba ne’e, esplika kona-ba dukumentus tara bandu ne’e mai husi Apa sira, nia ideias, tanba Ainaro ne’e kiak, Malnutrisaun, ita tenki hadomi ita nia ambiente, prezerva balada sira, natureza ne’e ita rai hela ba futuru oan sira nian, kuandu ita sunu rai tesi ai arbiru ne’e udan mai lori hotu rai sira ne’e ba tasi laran, rai nee krekas ita kuda fini sira mos la fo rezultadu diak, nahe biti bo’ot tur hamutuk, suku Fatubessi ezemplu diak, se tinan ida de’it mak ita konsege implementa, sei akontese mudansa bo’ot iha ita bo’ot nia suku, parabens ba ita bo’ot hodi elabora planu diak hodi organiza ita nia suku ne’e tuir kustume pozitivu ida ne’ebe mak ita iha rasik ona’’. Dehan PAM
Atividade tarabandu ne’e apoiu finaseiru husi konselu suku $600.00, Komuniadade Fatubessi $100.00 no Manu-Timor 12, Dotor Jeka ,$500.00. JICA $ 2.500.00
Jornalista : Sara Lewis
Editor : Lian Orluli
