Lian Orluli—Tuir kronolozia haktuir husi Meneger loza Kelu-keke Angelino de Araújo esplika, deskomfia labarik halimar ahi iha loza FNC laran, hodi rezulta loza rua ahi han motuk, akontese ne’e iha oras 07:35 otl, kalkulasaun husi sasan ne’ebé ahi han besik miliaun rua, husi loza Kelu-Keke nian.
“Iha dader oras 07:35 hanesan ne’e hau mai atu loke loza derepenti hetan ahi suar makas husi kotuk parte armajen nian. tuir istória akontese ahin han deskomfia labarik halimar ahi iha loza laran, hodi rezulta loza rua ahi han motuk no sasan sira ne’ebe maka ahi han kuaze miliaun rua hanesan ne’e” haktuir Angelino ba lian Orluli, bainhira komfirma kronolozia husi akontesementu iha fatin Mekado lama
Husi akontesimentu ne’e, maske Bombeiro munisipiu Ainaro halo intervensaun maibe ahi lakan boot labele kombate hotu tamba ne’e sasan loza laran la konsege hasai no sasan barak mak ahi haan motuk hotu.
Tuir observasaun jornalista iha terenu nota katak, husi akontesimentu refere komunidade ne’ebe atu partisipa iha seremonia nasionál, asiste ahi haan loza iha Ainaro viila no ajuda evakua sasan loza nian mai estrada, tanba ne’e serimonia isar bandeira iha Ainaro la tuir sekuensia, inpaktu husi insendiu ne’e, tanba besik kedas iha kampo isar bandeira.
STJ: Hanya/Reny/Elzi
Editor : Lian Orluli
