Ainaro Lian Orluli— Sansa Britos hela iha Leo-telu suku Mau-chiga hamotuk ho nia kaben Domingus Da Silva Verdial ho kondisaun Moras mental. Sansa obrigado hamós ema nia tós (freta) loron ida selu ho osan (dolar rua, lima nolu centavus) $ 2.50 hodi bele sustenta familia uma laran, maske nia kondisaun difisiensia.
Sansa Britos ho idade 61 ho Nia kaben Domingus Soares Verdial idade 65 ne’ebé Kondisaun saúde ladun diak (Moras Mental) durante tinan barak nia laran, Labele atu fo tulun ba Nia maske Kondisaun uma ne’ebé hela ba ladun Diak.
Tamba situasaun no kondisaun ne’ebé Sansa hasoru labele atu troka ho ema seluk. Sansa maka tenki hasoru duni hodi obriga aan atu bele buka osan no kaer toos nune’e bele sustenta sira rua nia vida moris loron-loron nian, maske Sansa tenki leba tahatur ho insada tama sai ema nia tos hodi husu freta ba toos nain atu hamos nune’e bele selu nia ho (dolar rua lima nolu sentavus) $ 2.50 cen, maske osan ne’e labele atu sosa Fos karon ida maibe’e Sansa bele responde netik fos lata ida hodi han ba loron baluk nian.
Sansa ho nia kaben hela deit iha uma ida ne’ebé kondisaun ladun diak (aat), no uma nia kakuluk kuat hotu, tanba dút sira komesa dodok hotu no monu hotu ona, inklui mos didin lolon sira dodok hotu, Sansa ho nia kaben uja deit ropa a’at balun atu heleik netik anin atu labele tama baihira iha tempu kalan sira deskansa ba, bainhira iha tempu udan toba fatin sira bokon hotu, Sansa ho nia kaben tenki tuir deit iha ahi matan too dader nune’e Sansa kontinua ba hala’o atividade hamos ema nia toos.
Sansa ho nia kaben maske idade 61 ho 65 to agora, sedauk hetan osan ba idudjus nian inklui mos uma UKL ne’ebe governu prepara ba ki’it laek sira, alende ne’e Sansa ho nia kaben la asesu mos ba eletrisidade.
Ba jornalista orluli news , Sansa informa Aturoridade ho pesoal suku sira halo ona verifikasaun ba dadaus Kbi’it la’ek, maske Sansa ho nia kaben hetan primeiru lugar, bainhira atu konstrui sira labele hetan.
“ maske hau rejistu ona uma UKL nian iha aldeia leotelu ne’e hau maka hetan juara satu, maibe’e to agora sira seluk maka hetan uma UKL ne’e, hau labele hetan, no hau triste tebes tanba sá maka hau nia uma labele halo”. Katak Sansa ba jornalista Orluli news iha nia rejidensia
Enkuantu obersaun husi jornalista orluli news nota iha terenu, Sansa ho nia kaben hela mesak iha uma ne’ebé kondisaun la merese ona ema maka hela, tanba kondisaun uma nia kakuluk dodok no kuak hotu, no didin lolon mos komesa dodok hotu no didin deit ho hena a’at balun, inklui mos la asesu ba eleltrisidade.
Enteratntu to notisia ne’e públika jornalista Lian orluli.news tenta halo komfirma ho atoridade lokal suku Mau-chiga labele atende tanba okupadu.
Jornalista: Nonya
Editor : Orluli News
