Lian Orluli— Servisu Tékniku Administrasaun Eleitoral Munisípiu Ainaro (STAE-MA), prodúz Eleitoral Biometriku tarde tamba laiha Blanku original prejudika ba sidadun sira husi postu Administrativu bainhira atu trata eleitoral
Joanico Benevides Sampaio husi postu administrativu Hato-buliko hahu trata nia eleitoral iha fulan janeiru ne’e maibe’e to’o agora sedauk bele foti signifika servisu Tekniku Administrasaun Eleitoral ladun di’ak
“Ha’u mai halo kartaun desde Janeru maibé too agora seidauk foti, sira fó tangal fiksu dehan ami mai, maibé to data ne’e atu foti dehan sistema aat, blanku la iha, jaringan ladun di’ak, hanesan ne’e hela de’it signifika servisu tekniku Administrasaun Eleitoral ne’e la dun diak.”Hateten Joanico Benevides Sampaio. Kuarta Ferria (04/06/2025),
Komunidade Joanico Benevides Sampaio hatutan tan governu presija muda sistema sira iha servisu tekniku Administrasaun Eleitoral nian, nune’e labele prejudika komunidade sira
“Husu ba guvernu atu bele muda sistema STAE nian ne’e tamba tempu uluk mós hanesan deit ho agora ne’e Ita mai sira haruka semana oin ou fulan oin maibé ita mai tia la foti nafatin,ita lakon tempu deit, sujere deit ba STAE munisipiu Ainaro atu muda sira nia sistema ida nee,” Hatutan Joanico Benevides Sampaio.
Diretor Servisu Tékniku Administrasaun Eleitoral, Francisco Bianco dehan, dadaun ne’e Blanku husi Nasional iha ona no kontinua produz Elitoral Biometriku lao normal.
“Iha dia 10 fulan feverio to’o fulan maiu iha munisípiu Ainaro balanku laiha hodi produz kartaun eletural biometriku, maibé dadaun ne’e blanku husi nasional mai ona, no ita kontinua produz kartaun eleitoral biometriku iha munisipiu Ainaro, lao normal” .diretur ne’e hakotu
Entertantu sistema eleitoral ne’e governo lansa iha fulan outobru 2024 hodi fasilita komunidade sira utiliza eleitoral ho sistema biometriku, leitores sira ne’ebé maka utilija ona elitoral ho sistema biometriku hamotuk riun lima resin
ESTJ: Isaura da Silva Fatima/ Regina dos reis.
Editor : Lian Orluli
