Lian Orluli 06/03/2026 Dili- Jendral reformadu Atual Asesor Prinsipal asuntu polítiku Prezidente RDTL Tito Filipe da Costa Cristovão “Lere Anan Timur” vizita eskola Café Taibessi hoti fahe istoria ba foinsa’e sira kona ba luta timor nia independensia
Iha vizita ne’e Lere Anan Timor senti onradu tanba liu husi vizita ne’e bele fahe istoria libertasaun timor nian ba foinsae sira ho lian portugés ligadu ho loron veteranus nian ne’ebe foin komemora iha loron hirak liu ba
“Hau bele dehan katak onra bo’ot ne’e bele mai eskola Café palestra uitoan kona ba topic ne’ebe sira fob a hau kona ba loron 3 de marsu loron veteranus” dehan iha intervita ba jornalista sira hafoin remata sesaun palestran no husu & hatan iha areadores eskola Café taibessi, 06/03/2026
Jeneral reformadu ne’e haktuir, maiske kleur ona nia la kolia lian portuges maibe iha palestra durante oras balun nia laran hahu ho lian portuges ho topiku “dia dos veterarus” ba estudante sira
“Onra bo’ot ba hau tanba primeira vez hau halo palestra kuaze oras ida-rua nia laran ho portuges, kleur mak la kolia portuges dalaruma mos halo ema komprende, topiku ne’ebe ohin hau kolia liliu kona ba 3 de marsu loron veteranus no hau esplika ba sira saida mak loron 3 de marsu no tanba sa hili 3 de marsu ba loron veteranus”, jeneral reformadu ne’e esplika ba jornalista sira
Diretor eskola Café Justino Ximenes hateten atividade vizita ne’e hanesan kontinuasaun husi komemorasaun loron veteranus nian ne’ebe liu dau-daun iha 3 de marsu foin lalais ne’e tanba eskola nia konsidera Lere Anan Timur hanesan aitor vivu ba luta timor leste nia independensia
“Atividade vizita ida ne’e hanesan kontinuidade ba komemorasaun dia dos veteranus tanba eskola ida ne’e espasu edukativa ida ne’ebe mak ita konvidade autor vivu ba istoria luta libertasaun país nian tanba ne’e mak ita konvida eselensia Lere Anan Timur para atu mai konta istoria uitoan kona ba inportansia loron veteranus ninian nomos istoria ituan kona ba luta libertasaun kona ba país ida ne’e nian”, reponsavel ne’e rekorda ba jornalista sira iha eskola Café Taibessi sesta ne’e
Responsavel masimu eskola Café ne’e mos husu atu nafatin kontinua konta istora iha futura ba foinsae’e sira liu-liu ba estudante sira ne’ebe la prezensa iha momentu oportunu ne’e
Fatin hanesan estudante eskola Café Taibessi Oriana Galucho nia parte senti orguillu tanba bele simu palestra direta husi jeneral reformadu ne’e tanba durante rona no hare’e deit husi telivizaun
“hau hanesan aluna ida iha eskola café de Dili hau nain rasik senti kontente tanba sr. jeneral bele simu konvite husi eskola no bele hakat mai hodi fo palestra ami, ida ne’e ami senti mai ami agradese tebe-tebes” Oriana Agradese
Iha vizita ne’e prezensa husi estudante no profesores sira, enkuantu vizita ne’e lao ho susesu to remata
Jornalista: Alves Carvalho
Editor: Clementina Fatima
